تعطیلات کا موسم : مسافروں کی تعداد میں نمایاں اضافہ متوقع

دنیا بھر میں لوگ کرسمس اور نئے سال کی تعطیلات میں سفر کر رہے ہیں ۔

دسمبر اور جنوری عالمی سطح پر ہوابازی کے لیے مصروف ترین مہینوں میں شمار ہوتے ہیں۔اس سال مسافروں کی آمدورفت میں اضافے کی امید ہے کیونکہ اس سے پہلے کووڈ وبا کی وجہ سے سفری پابندیاں عائد کی گئی تھیں۔

پابندیوں میں نرمی کے بعد سے دوسرے ممالک کی طرح بھارت جانے والے ہوائی سفر میں بھی تیزی آئی ہے۔

ایشیا کے دیگر حصوں میں لاکھوں افراد فضائی، سڑک اور ریل کے ذریعے سفر کر رہے ہیں۔

دسمبر کے شروع میں چین کی جانب سے کووڈ کی روک تھام کے لیے زیرو پالیسی میں نرمی کے بعداندرون ملک سفر میں اضافے کی توقع ہے۔

چینی حکومت نے بہت سی شرائط کو ختم کر دیا ہے جن میں بار بار وائرس کی جانچ اور ا پنے گھروں مین قرنطینہ کے قوانین شامل ہیں ۔

یہ اقدام اس وقت ہوا جب چین جنوری میں قمری سال کی تقریبات کی تیاری کر رہا ہے جو ملک کا سب سے مصروف سفری سیزن ہے

ایران میں دو بہائی خواتین کی سزا پر امریکہ کی مذمت

بین الاقوامی مذہبی آزادی کےامریکی کمیشن نے ایران میں دو بہائی خواتین کو دی گئی دس سال قید کی سزا ؤں کی مذمت کی ہے۔

69سالہ مہوش صابت اور 60سالہ فریبہ کمال آبادی ایران کی بہائی کمیونٹی کے پانچ دیگر افراد کے ساتھ 2008 اور 2018 کے درمیان پہلے ہی دس سال کی سزا کاٹ چکی ہیں۔

کمیشن کا کہنا ہے کہ ساتوں کی گرفتاریاں ایرانی بہائی کمیونٹی میں خواتین کےلیے سماجی اور روحانی کام کے نتیجے میں ہوئیں۔

بین الاقوامی مذہبی آزادی کی امریکی کمشنر شیرون کلائین بام نے کہا کہ ایرانی حکومت کا مہوش صابت اور فریبہ کمال آبادی پر مسلسل ظلم و ستم بہائیوں کی مذہبی آزادی کے خلاف حکومت کی عشروں سے جاری مہم کا تازہ ترین واقعہ ہے۔

انہوں نے امریکی حکومت سے مطالبہ کیا کہ وہ ایرانیوں کی زیادہ سے زیادہ مذہبی آزادیوں اور دیگر حقوق کے لیے کوششوں کی حمایت کرے۔

جامعہ الازہر کے گرینڈ امام کی افغانستان میں خواتین کی اعلیٰ تعلیم پر بندش کی مذمت

جامعہ الازہر کے گرینڈ امام احمد الطیب نے کہا کہ الازہر کو افغانستان میں حکام کی طرف سے جاری کردہ فیصلے پر گہرا افسوس ہے جس میں افغان خواتین کو یونیورسٹی میں تعلیم تک رسائی کو اس لیے روکا گیا کیونکہ یہ اسلامی شریعت اور تنازعات سے متصادم ہے۔جب کہ مردوں اور عورتوں کے لیے واضح دعوت ہے کہ وہ گہوارہ سے قبر تک علم حاصل کریں۔

احمد الطیب نے کہا کہ وہ مسلمانوں اور غیر مسلموں کو اس الزام کو ماننے یا قبول کرنے کے خلاف خبردار کر رہے ہیں کہ اسلام میں خواتین کی تعلیم پر پابندی کی منظوری دی گئی ہے۔

امام الطیب کہتے ہیں درحقیقت اسلام ایسی پابندی کی سختی سے مذمت کرتا ہے کیونکہ یہ ان قانونی حقوق سے متصادم ہے جن کی اسلام عورتوں اور مردوں کے لیے یکساں ضمانت دیتا ہے۔

ال طیب نے افغانستان میں حکام سے مطالبہ کیا کہ وہ اپنے فیصلے پر نظر ثانی کریں کیونکہ صداقت کی پیروی بہتر ہے۔

یو کرین قیام امن کے لیے سنجیدہ نہیں ہے: روس

روس نے جمعرات کو کہا ہے کہ یوکرین کے صدر ولادیمیر زیلنسکی کے دورہ واشنگٹن سے قیام امن کے لیے آمادگی کے کوئی آثارنظر نہیں آئے

امریکی صدر جو بائیڈن نے وائٹ ہاؤس میں بات چیت کے لیے زیلنسکی کی میزبانی کی اور بعد میں یوکرینی رہنما نےامریکی کانگریس کے مشترکہ اجلاس سے خطاب کیا جہاں انہوں نے کہا کہ یوکرین دس ماہ قبل روس کے حملے کے خلاف جنگ میں کبھی ہتھیار نہیں ڈالے گا۔

کریملن کے ترجمان دمتری پیسکوف نے صحافیوں کو بتایا کہ زیلنسکی کے دورے سے ظاہر ہوتا ہے کہ امریکہ روس کے خلاف بالواسطہ جنگ لڑ رہا ہے۔

امریکہ نے یوکرین کو وسیع پیمانے پر فوجی اور انسانی امداد فراہم کی ہے اور بدھ کو ایک نئے پیکیج کا اعلان کیا ہے جس میں پیٹریاٹ ایئر ڈیفنس میزائل شامل ہیں۔ پیسکوف نے کہا کہ پیٹریاٹ میزائل تنازع کو حل کرنے میں مدد نہیں کریں گے اور نہ ہی روس کو اس کے مقاصد سے روک سکیں گے۔