کراچی کے نیشنل کرکٹ اسٹیڈیم میں کھیلے جانے والے دوسرے ٹیسٹ میچ کے دوسرے دن کے کھیل کے اختتام پر میزبان ٹیم پاکستان کے خلاف آسٹریلیا نے پہلی اننگز میں آٹھ وکٹوں کے نقصان پر 505 رنز بنا لیے ہیں۔
دوسرے دن کے اختتام پر آسٹریلوی بیٹر مچل اسٹارک 28 رنز جب کہ پیٹ کمنز بغیر کوئی رن بنائے وکٹ پر موجود ہیں۔
اتوار کو دوسرے دن کا آغاز آسٹریلیا نے اپنی پہلی اننگز کے 215 رنز اور تین کھلاڑی آؤٹ سے کیا۔ اس وقت عثمان خواجہ 127 اور ناتھن لیون صفر پر بیٹنگ کر رہے تھے۔
دونوں بیٹرز نے آسٹریلوی اسکور کو 304 تک پہنچایا اور ناتھن لیون، فہیم اشرف کے ہاتھوں 38 رنز پر بولڈ ہو گئے۔
بعد میں آنے والے بیٹسمین ٹریوس ہیڈ 23 رنز بنانے میں کامیاب ہوئے جب کہ عثمان خواجہ 160 رنز بنا کر ساجد خان کی گیند پر بولڈ ہوئے۔
He told us he is an all-rounder, and who are we to doubt! 🤷🏻♂️#BoysReadyHain l #PAKvAUS pic.twitter.com/biqQm8Wv1B
— Pakistan Cricket (@TheRealPCB) March 13, 2022
آسٹریلوی بلے باز کیمرون گرین 28 رنز پر آؤٹ ہوئے جب کہ ایلکس کیری نے 93 رنز کی اننگز کھیلی جو کہ بابر اعظم کے ہاتھوں آؤٹ ہوئے۔
پاکستانی بولرز فہیم اشرف اور ساجد خان نے دو دو وکٹیں حاصل کیں جب کہ نعمان علی، حسن علی اور بابر اعظم ایک ایک وکٹ لینے میں کامیاب رہے۔
پاکستان اور آسٹریلیا کے درمیان کھیلے جانے والے دوسرے ٹیسٹ میچ کی وکٹ اور انتہائی سست کھیل پر ایک بار پھر تبصرے جاری ہیں جب کہ بعض لوگ آسٹریلیا کی پاکستان آمد پر خوشی کا اظہار بھی کر رہے ہیں۔
ٹوئٹر صارف فاطمہ محسن نے تماشائیوں میں بیٹھی ایک خاتون کی تصویر شیئر کی ہے جو کہ اپنے ساتھ بیٹھے شخص کے کاندھے پر سر رکھ کر سو رہی ہیں۔
No Caption Needed..#AUSvPAK pic.twitter.com/lT7OcaIKPJ
— Fatima Mohsin 🇵🇰 (@MahamOfficial_2) March 13, 2022
فاطمہ محسن نے ہی سابق آسٹریلوی بیٹسمین مارک ٹیلر کا حوالہ دیتے ہوئے کہا ہے کہ پاکستان کے پاس دنیا کی بہترین بولنگ موجود ہے تاہم انہیں افسوس ہے کہ پاکستانی بولنگ نے اس کا ساتھ نہیں دیا۔
Mark Taylor Said "Pakistan Has Best Bowling Lineup in the World And i am disappointed that they didn%27t backed them.They don%27t care about winning, they just don%27t want to lose.(The Age)#AUSvPAK
— Fatima Mohsin 🇵🇰 (@MahamOfficial_2) March 13, 2022
ان کا مزید کہنا ہے کہ پاکستانی بولر جیت کی پرواہ نہیں کر رہے بلکہ وہ بس یہ چاہتے ہیں کہ انہیں شکست کا سامنا نہ کرنا پڑا۔
کرکٹ پر تبصرہ کرنے والے معروف ٹوئٹر صارف مظہر ارشد کا کہنا ہے کہ عثمان خواجہ اسلام آباد میں پیدا ہونے والے پہلے کھلاڑی ہیں جنہوں نے پاکستان میں ٹیسٹ سینچری کی ہے۔
Usman Khawaja is first Islamabad-born player to score a Test century in Pakistan. #AusvPak
— Mazher Arshad (@MazherArshad) March 12, 2022
ایک ٹوئٹر صارف نے میچ دیکھنے آئے ایک تماشائی کی تصویر شیئر کی ہے جس میں انہوں نے ایک پلے کارڈ اٹھا رکھا ہے جس پر لکھا ہے کہ نیوزی لینڈ اور انگلینڈ سے دوستی ختم۔ آسٹریلیا ان کا نیا بیسٹ فرینڈ ہے۔
Oh yes... Thank you Australia#AUSvPAK pic.twitter.com/AyeUzBhGE8
— The Fan Stands (@fan_stands) March 13, 2022
فوکس کرکٹ کا ٹوئٹ میں کہنا ہے کہ اس وقت کوئی بھی پاکستان ٹیسٹ کرکٹ سے متاثر نہیں ہو رہا۔
No one is exactly impressed with Pakistani Test cricket at the moment... 👀 REACTION >>> https://t.co/HM9SmormP6 #AUSvPAK pic.twitter.com/QpiPOJADOi
— Fox Cricket (@FoxCricket) March 13, 2022
معروف پاکستانی بولر اور سابق کپتان وسیم اکرم کی اہلیہ شنیرا اکرم کا ٹوئٹ میں کہنا ہے کہ انہیں کراچی میں موجود تماشائیوں سے پیار ہے۔
Love to the crowd in Karachi 🙌🏼❤️ #AUSvPAK
— Shaniera Akram (@iamShaniera) March 13, 2022
ایک ٹوئٹر صارف نے ایک غیر ملکی تماشائی کی تصویر شیئر کی ہے جس میں لکھا ہے کہ “امی وہ پاکستان منتقل ہو رہے ہیں، پلیز ان کے کپڑے بھیج دیں”۔
POSITIVE MASSAGE FROM NATIONAL STADIUM KARACHI 💕#AUSvPAK pic.twitter.com/WBpfsO1ocP
— SARU 🪶 (@Faja_Saru) March 13, 2022