پانچ نومبر 2023 تاریخ میں ایک اہم دن کے طور پر یاد رکھا جائے گا۔ اسی روز بھارتی بلے باز وراٹ کوہلی نے اپنی 35ویں سال گرہ منائی اور اسی سال گرہ کے دن ون ڈے کرکٹ میں سب سے زیادہ سینچریاں اسکور کرنے کا ریکارڈ برابر کیا۔
کوہلی نے ورلڈ کپ کے دوران جنوبی افریقہ کے خلاف اپنے ون ڈے کریئر کی 49ویں سینچری بنا کر اس ریکارڈ کے شریک مالک بنے جو سابق بھارتی بلے باز سچن ٹنڈولکر کے پاس تھا۔
کوہلی اور ٹنڈولکر، دونوں اس وقت 49 سینچریاں بنا کر سب سے زیادہ ون ڈے سینچریاں بنانے والوں کی فہرست میں ٹاپ پر ہیں۔ لیکن کوہلی نے یہ کارنامہ سابق بھارتی کپتان سے کم وقت میں اور کم میچوں میں اسکور انجام دیا ہے۔
اب وہ ون ڈے انٹرنیشنل کرکٹ میں 50 ون ڈے سینچریاں بنانے سے صرف ایک سینچری دور ہیں جس کے بعد وہ ون ڈے انٹرنیشنل میں یہ کارنامہ انجام دینے والے پہلے کھلاڑی بن جائیں گے۔
4⃣9⃣ 𝙊𝘿𝙄 𝘾𝙀𝙉𝙏𝙐𝙍𝙄𝙀𝙎!Sachin Tendulkar 🤝 Virat KohliCongratulations to Virat Kohli as he equals the legendary Sachin Tendulkar%27s record for the most ODI 💯s! 👏#TeamIndia | #CWC23 | #MenInBlue | #INDvSA pic.twitter.com/lXu9qJakOz
— BCCI (@BCCI) November 5, 2023
ٹنڈولکر بمقابلہ کوہلی
اس وقت ون ڈے کرکٹ میں سب سے زیادہ رنز کا ریکارڈ سچن ٹنڈولکر کے پاس ہی ہے جس کے تعاقب میں وراٹ کوہلی ہیں۔
سابق مایہ ناز بلے باز ٹنڈولکر نے 463 میچوں میں 44 اعشاریہ آٹھ تین کی اوسط سے 18 ہزار 426 رنز اسکور کیے ہیں۔
ان کے مقابلے میں کوہلی اب تک 13 ہزار 626 رنز کے ساتھ اس لسٹ میں چوتھے نمبر پر ہیں جب کہ وہ اس وقت اپنا 289واں ون ڈے میچ کھیل رہے ہیں۔
History created 💯👑#CWC23 pic.twitter.com/ZMg1hkCnDM
— ICC Cricket World Cup (@cricketworldcup) November 5, 2023
دوسرے اور تیسرے نمبر پر سری لنکا کے کمار سنگاکارا اور آسٹریلیا کے رکی پونٹنگ موجود ہیں۔ موجودہ کھلاڑیوں میں وراٹ کوہلی کے بعد نمبر بھارتی کپتان روہت شرما کا آتا ہے جنہوں نے حال ہی میں ون ڈے انٹرنیشنل میں 10 ہزار رنز مکمل کیے۔
قابلِ ذکر بات یہ ہے کہ لٹل ماسٹر سچن ٹنڈولکر کو ون ڈے کرکٹ میں 49 سینچریاں بنانے کے لیے 22 سال تین مہینے کا وقت لگا تھا۔ انہوں نے یہ کارنامہ اپنے 462 ویں میچ میں انجام دیا تھا۔
Greatness meets greatness 🤝 No. 49 for King Kohli 👑#CWC23 #INDvSA pic.twitter.com/m8OpmEeWAv
— ICC Cricket World Cup (@cricketworldcup) November 5, 2023
اس کے برعکس وراٹ کوہلی نے یہ ریکارڈ 15 سال تین مہینے میں اپنے 289ویں میچ میں ہی برابر کرلیا۔
اٹھارہ اگست 2008 کو ڈمبولا میں اپنا ون ڈے ڈیبیو کرنے والے کوہلی کو پہلی سینچری بنانے کے لیے ایک سال چار مہینے انتظار کرنا پڑا تھا۔ انہوں نے یہ سینچری اپنے 15ویں میچ میں اسکور کی تھی۔
The birthday boy has gifted the team with a well-composed century off a good bowling attack!In doing so Virat Kohli, a modern great of the game, has equalled the GOAT, Sachin Tendulkar in the number of ODI centuries. So well played! ❤️#IndvSA pic.twitter.com/W71qVIsDJf
— 100MB (@100MasterBlastr) November 5, 2023
سچن ٹنڈولکر اپنے کریئر کے دوران اتنے خوش قسمت نہیں تھے۔ اپنے پہلے دو میچوں میں صفر پر آؤٹ ہونے والے بلے باز کو ون ڈے سینچری کے لیے پانچ سال نو مہینے انتظار کرنا پڑا تھا۔
انہوں نے اپنی پہلی ون ڈے سینچری 78ویں میچ میں آسٹریلیا کے خلاف کولمبو میں 1994 میں اسکور کی تھی جس کے بعد انہوں نے مزید 48 مرتبہ یہ کارنامہ انجام دیا۔
Why didn’t Virat Kohli celebrate his 100 in his style?Respect to the batting God, that’s the value a person shows to another. He started his cricket watching Sachin Ramesh Tendulkar play. THE BATTING GOD, SACHIN TENDULKAR set a great platform for the Indian cricketers.Great… pic.twitter.com/sZxub3ALse
— The Cricket Coach (@ramstudio7) November 5, 2023
کولکتہ کے تاریخی ایڈن گارڈنز میں سینچری بنانا وراٹ کوہلی کے لیے اس لیے بھی اہم تھا کیوں کہ انہوں اپنے ون ڈے کریئر کی پہلی سینچری 2009 میں سری لنکا کے خلاف اسی گراؤنڈ پر اسکور کی تھی۔
جنوبی افریقہ کے خلاف سینچری کے ساتھ ہی وہ رواں ورلڈ کپ میں 500 رنز بھی مکمل کرنے میں کامیاب ہوگئے۔ 120 گیندوں پر 101 رنز کی ناقابل شکست اننگز ان کی رواں ٹورنامنٹ میں دوسری سینچری ہے۔
Innings to score 49 ODI tons Sachin Tendulkar - 452Virat Kohli - 277*Difference - 175, Virat Kohli%27s ODI cap number - 175.Coincidence? 😅(Courtesy: Shaun Pollock)#INDvsSA pic.twitter.com/iLdrBids9Q
— Cricket.com (@weRcricket) November 5, 2023
اس سے پہلے وہ بنگلہ دیش کے خلاف میچ میں سینچری اسکور کرچکے تھے جو انہوں نے پونے کے مقام پر بنائی تھی۔ مجموعی طور پر یہ ورلڈ کپ مقابلوں میں ان کی چوتھی سینچری ہے۔
بھارتی ٹیم اور وراٹ کوہلی کی شاندار کارکردگی کی وجہ سے اس وقت بھارت پوائنٹس ٹیبل پر ٹاپ پوزیشن پر ہے۔ جنوبی افریقی ٹیم پوائنٹس کے لحاظ سے دوسرے نمبر پر ہے۔
کوہلی دھرمشالہ میں نیوزی لینڈ کے خلاف 95 اور ممبئی میں سری لنکا کے خلاف 88 رنز بناکر وہ اس ریکارڈ سینچری کے قریب تو آئے تھے لیکن کامیاب نہیں ہوسکے تھے۔