امریکہ کی سینیٹ نے صدر جو بائیڈن کے نامزد کردہ وزیرِ دفاع لائیڈ آسٹن کے تقرر کی توثیق کر دی ہے۔
سابق فوجی جنرل لائیڈ آسٹن جو بائیڈن کی کابینہ کے دوسرے رکن ہیں جن کی اب تک توثیق کی گئی ہے۔ لائیڈ آسٹن پہلے افریقی امریکی ہیں جن کا تقرر اس عہدے پر کیا گیا ہے۔
سینیٹ نے ریٹائرڈ لائیڈ آسٹن کے تقرر کی توثیق دو کے مقابلے میں 93 ووٹوں سے کی ہے۔
سینیٹ سے توثیق کے محض ایک گھنٹے بعد لائیڈ آسٹن نے پینٹاگون جا کر عہدے کا حلف اٹھایا اور اپنے فرائض سنبھال لیے۔
NEW: Just confirmed SecDef @LloydAustin arrives at @DeptofDefense "Good to be here" he says to reporters, without taking questions pic.twitter.com/lW3jT17GyO
— Jeff Seldin (@jseldin) January 22, 2021
فرائض سنبھالنے کے بعد انہیں انٹیلی جنس بریفنگ دی گئی۔ اس کے بعد چیئرمین جوائنٹ چیفس آف اسٹاف اور دفاعی حکام کے ساتھ انہوں نے ملاقاتیں کیں۔
لائیڈ آسٹن نے نیٹو کے سیکریٹری جنرل جینز اسٹالنبرگ سے ٹیلی فون پر گفتگو کی۔ اس کے علاوہ انہیں چین اور مشرقِ وسطیٰ پر آپریشنل بریفنگ بھی دی گئی۔
امریکہ کی فوج کو اپنے پیغام میں وزیرِ دفاع لائیڈ آسٹن نے کہا کہ ان کی پہلی ترجیح ملک کی کرونا وائرس کے بحران سے نمٹنے کی کوششوں میں ہر ممکن مدد کرنا ہے۔
It’s an honor and a privilege to serve as our country’s 28th Secretary of Defense, and I’m especially proud to be the first African American to hold the position. Let’s get to work. pic.twitter.com/qPAzVRxz9L
— Lloyd Austin (@LloydAustin) January 22, 2021
انہوں نے اس سلسلے میں امریکی فوج کی طرف سے کیے گئے اقدامات کی تعریف کرتے ہوئے کہا کہ کرونا وائرس کے تباہ کن اثرات کو جلد از جلد ختم کرنے کے لیے وفاقی حکومت کی مدد کرنی ہو گی۔
انہوں نے اس بات کا بھی اعادہ کیا کہ وہ ممکن بنائیں گے کہ امریکہ کی فوج کے پاس وہ آلات، ٹیکنالوجی، ہتھیار اور تربیت ہو جو اسے ملک کے دشمنوں کو باز رکھنے اور شکست کے لیے ضروری ہے۔
ان کے بقول اس کا مطلب ایک مضبوط پالیسی اور حکمتِ عملی بنا کر صراحت پر مبنی مشن سونپنا۔
انہوں نے اتحادیوں اور شراکت داروں کے ساتھ تعاون بھی ضروری قرار دیا۔
Terrific to speak with @jensstoltenberg today, the first call I’ve made in the job. Reiterated the steadfast commitment of the U.S. to the @NATO Alliance and our appreciation for the teamwork and relevance our allies bring to missions around the world. #WeAreNATO https://t.co/eDi0hg5DyW pic.twitter.com/00loiA2By3
— Lloyd Austin (@LloydAustin) January 22, 2021
لائیڈ آسٹن کی توثیق ایسے موقع پر کی گئی ہے جب کہ قانون ساز ایوان نے ایک دن قبل ہی اس قانون میں رعایت دی ہے جس کے تحت کوئی بھی سابق فوجی افسر سرکاری عہدہ چھوڑنے کے سات سال کی مدت سے قبل بھی سویلین عہدے پر براجمان ہو سکتا ہے۔
سابق جنرل لائیڈ آسٹن امریکہ کی افواج کی مشرقِ وسطی اور جنوبی ایشیا میں کمان کر چکے ہیں۔