پاکستان کرکٹ ٹیم نے کپتان بابر اعظم کی قیادت میں جنوبی افریقہ کو تیسرے اور فیصلہ کن ون ڈے انٹرنیشنل میچ میں 28 رنز سے شکست دے کر آٹھ سال بعد سیریز میں کامیابی حاصل کی ہے۔
پاکستان کرکٹ ٹیم نے سیریز دو ایک سے اپنے نام کر کے آئی سی سی مینز کرکٹ ورلڈ کپ سپر لیگ میں 40 قیمتی پوائنٹس بھی حاصل کر لیے ہیں، اور انگلینڈ کے بعد دوسری پوزیشن پر آگئی ہے۔
WINNERS!! 🏆#SAvPAK | #HarHaalMainCricket | #BackTheBoysInGreen pic.twitter.com/2Y61m3h6Za
— Pakistan Cricket (@TheRealPCB) April 7, 2021
تیسرے میچ میں پاکستان ٹیم نے چار تبدیلیاں کیں، دانش عزیز، آصف علی، محمد حسنین اور ان فٹ شاداب خان کی جگہ سرفراز احمد، حسن علی، محمد نواز اور عثمان قادر کو کھلایا گیا، ان تبدیلیوں کا قومی ٹیم پر اچھا اثر پڑا، اور ان ہی کھلاڑیوں کی کارکردگی کے باعث فیصلہ کن میچ میں گرین شرٹس نے شاندار کامیابی حاصل کی۔
میچ میں جنوبی افریقہ نے ٹاس جیت کر فیلڈنگ کا فیصلہ کیا، لیکن میزبان ٹیم کی توقعات کے برعکس پاکستان کا ٹاپ آرڈر چل گیا، امام الحق اور فخر زمان نے نہ صرف پہلی وکٹ کی شراکت میں 112 رنز جوڑے بلکہ قومی ٹیم کو ایک اچھا آغاز فراہم کیا جس کا فائدہ بعد میں آنے والے بلے بازوں کو ہوا۔
Pakistan take the series 2-1 🎉They defeat South Africa by 28 runs in the final ODI.Mohammad Nawaz and Shaheen Afridi pick up three wickets each ☝️#SAvPAK | https://t.co/EAY308dfPG pic.twitter.com/GT6lAlQjqB
— ICC (@ICC) April 7, 2021
فخر زمان نے گزشتہ میچ کی طرح اس اننگز میں بھی شاندار سنچری اسکور کی، وہ 101 رنز بناکر آؤٹ ہوئے۔ ان کی اننگز میں نو چوکے اور تین چھکے شامل تھے۔ انہوں نے کپتان بابر اعظم کے ہمراہ دوسری وکٹ کی شراکت میں 94 رنز بنائے، جس کی بدولت بالرز کو ایک ایسا ہدف ملا جس کا دفاع کرنے کی ان کے پاس صلاحیت تھی۔
بابر اعظم نے میچ کے دوران بھارتی کپتان ویراٹ کوہلی کو آئی سی سی رینکنگ میں ٹاپ پوزیشن سے محروم تو کردیا، لیکن خود سنچری بناتے بناتے رہ گئے۔ 82 گیندوں پر 94 رنز بنانے والے پاکستانی کپتان نے اننگرز کی آخری گیند پر چھکا مار کر سنچری بنانے کی کوشش کی، لیکن گیند باؤنڈری پار کرنے کے بجائے فیلڈر کے ہاتھ میں جاگری۔ ان کی اننگز میں سات چوکے اور تین چھکے شامل تھے۔
#SAvPAKODI Rankings1⃣ - 🇵🇰 Babar Azam2⃣ - 🇮🇳 Virat KohliT20I Rankings3⃣ - 🇵🇰 Babar Azam4⃣ - 🇮🇳 Virat KohliTest Rankings5⃣- 🇮🇳 Virat Kohli6⃣- 🇵🇰 Babar AzamThe current generation is lucky to see 2 GOATs conquering every format at the same time. #BabarAzam #SAvPAK
— Sajid Rehman (@SajidRBattalvi) April 7, 2021
حسن علی نے بھی بیٹنگ کرتے ہوئے آخری اوورز میں بالرز کو آڑے ہاتھوں لیا، پاکستان نے آخری چار اوورز میں جارحانہ بیٹنگ کرتے ہوئے 63 رنز بنائے، جس میں حسن علی کے 11 گیندوں پر ناقابل شکست 32 رنز بھی شامل تھے۔ میزبان ٹیم کی جانب سے کیشیو مہاراج تین وکٹوں کے ساتھ نمایاں رہے۔
جواب میں مہمان ٹیم کا آغاز تو اچھا تھا، لیکن مسلسل وکٹیں گرنے کی وجہ سے جنوبی افریقی ٹیم اننگز بھر مشکلات کا شکار رہی، اوپنر یانیمن ملان 70 رنز کے ساتھ سب سے کامیاب بیٹسمین رہے۔ کائل ویرین کے 62 اور اینڈل فیہلوکوائیو کے 54رنز بھی میزبان ٹیم کو شکست سے نہ بچا سکے، اور پوری ٹیم 50 ویں اوور میں 292 رنز بناکر آؤٹ ہوگئی۔
Two wickets in one over for Mohammad Nawaz!He removes Janneman Malan and Temba Bavuma.South Africa still need 193 runs to win.#SAvPAK | https://t.co/EAY308uReg pic.twitter.com/SFppe9XG57
— ICC (@ICC) April 7, 2021
پاکستان کی جانب سے سب سے کامیاب محمد نواز رہے جنہوں نے 34 رنز دے کر تین کھلاڑیوں کو آؤٹ کیا۔ شاہین شاہ آفریدی نے بھی تین وکٹیں حاصل کیں لیکن انہوں نے 58 رنز دے کر یہ کامیابی سمیٹی۔
حارث رؤوف نے دو جبکہ کم بیک کرنے والے حسن علی اور ڈیبیو کرنے والے عثمان قادر نے ایک ایک وکٹ اپنے نام کی۔ 15 ماہ بعد اپنا پہلا ون ڈے انٹرنیشنل کھیلنے والے سرفراز احمد نے وکٹ کے پیچھے تین شکار کئے اور میچ کے دوران کپتان کو قیمتی مشورے بھی دیتے رہے۔
Fakhar and Babar set the base with the bat, after which Mohammad Nawaz%27s key strikes led Pakistan to a series win. #SAvPAK
— ESPNcricinfo (@ESPNcricinfo) April 7, 2021
سیریز میں شاندار کامیابی پر سماجی رابطے کی ویب سائٹ پر لوگوں نے پاکستان ٹیم کو خوب مبارکباد دی۔ کچھ نے ہیڈ کوچ مصباح الحق کو اس کامیابی کا ذمہ دار قرار دیا تو کچھ نے بابر اعظم کی کپتانی کو، ایک صاحب نے تو دوسرے ون ڈے میں کوئنٹن ڈی کوک کی حرکت کو جنوبی افریقہ کو ہوم گراؤنڈ پر شکست کا ذمہ دار قرار دے دیا۔
SEE ALSO: فخر زمان کے رن آؤٹ پر تنازع، بیٹسمین کی غلطی یا ڈی کوک کی چالاکی؟
Pakistan beat South Africa in third ODI by 28 runs, takes series 2-1... great win! second series win in South Africa... 2013: 2-1 under Misbah as captain, 2021: under Misbah as head coach. #SAvsPAK
— Shahid Hashmi (@hashmi_shahid) April 7, 2021
The Pakistani team has proudly won and raised the name of Pakistan🔥❤ #SAvPAK #BabarAzam #Babar_Azam @babarazam258 pic.twitter.com/Sr33htxSvY
— Kalsoom Official (@OfficialKalsoom) April 7, 2021
آج کے میچ میں 94 رنز اسکور کرنے والے پاکستانی کپتان بابر اعظم کو مین آف دی میچ کا ایوارڈ دیا گیا۔ تین میچز کی سیریز میں سب سے زیادہ 302 رنز بنانے پر پاکستانی اوپنر فخر زمان نہ صرف ٹی ٹوئنٹی اسکواڈ میں جگہ بنانے میں کامیاب ہوگئے، بلکہ انہیں مین آف دی سیریز کا ایوارڈ بھی دیا گیا۔
پاکستان کی جانب سے سیریز میں سب سے زیادہ سات وکٹیں حارث روؤف نے حاصل کیں، جبکہ شاہین شاہ آفریدی نے چھ کھلاڑیوں کو آؤٹ کیا۔
#SAvPAK pic.twitter.com/ilgjzG7mSR
— Sanaullah (@Sanaull45535485) April 7, 2021
میزبان ٹیم کے ریسی وین ڈیر ڈسن نے دو اننگز میں 183، جبکہ کپتان ٹیمبا باووما نے تین میچز کھیل کر 113 رنز اسکور کئے۔ میزبان ٹیم کو تیسرے میچ میں کوئنٹن ڈی کوک اور ڈیوڈ ملر سمیت پانچ اہم کھلاڑیوں کی خدمات حاصل نہیں تھیں جو دوسرے ون ڈے میچ کے بعد انڈین پریمئر لیگ میں شرکت کے لئے بھارت روانہ ہوگئے۔
پاکستان اور جنوبی افریقہ کے درمیان چار میچز پر مشتمل ٹی ٹوئنٹی انٹرنیشنل سیریز 10 اپریل سے کھیلی جائے گی۔