پاکستان میں پیٹرول ایک مرتبہ پھر مہنگا ہو کر ملکی تاریخ کی سب سے بلند ترین سطح پر پہنچ گیا ہے۔ پیٹرولیم مصنوعات کی قیمتوں میں حالیہ اضافے کے بعد مہنگائی میں مزید اضافے کا امکان ہے۔
وزارتِ خزانہ کی جانب سے جاری نوٹی فکیشن کے مطابق پیٹرول کی قیمت میں فی لیٹر 14 روپے 91 پیسے جب کہ ڈیزل کی قیمت میں 18 روپے 44 پیسے اضافہ کیا گیا ہے۔
قیمتوں میں اضافے کے بعد پیٹرول کی نئی قیمت 305 روپے 36 پیسے اور ڈیزل 311 روپے 84 پیسے فی لیٹر کا ہو گیا ہے۔
محض نصف ماہ کے دوران پیٹرولیم مصنوعات کی قیمتوں میں لگ بھگ 35 روپے کے بڑے اضافے نے مہنگائی سے ستائے لوگوں کی مشکلات مزید بڑھا دی ہیں۔
معاشی ماہرین پیٹرولیم مصنوعات کی قیمتوں میں حالیہ اضافے کے بعد مہنگائی میں اضافے کا بھی خدشہ ظاہر کر رہے ہیں جب کہ سوشل میڈیا پر صارفین نئی پیش رفت پر پریشان دکھائی دے رہے ہیں۔
صحافی طلعت حسین نے سماجی رابطے کی سائٹ ایکس سابق ٹوئٹر پر تبصرہ کرتے ہوئے پیٹرولیم مصنوعات کی قیمتوں میں اضافے کو عوام کے لیے تباہی قرار دیا ہے۔
For the first time in Pakistan’s history, the price of petrol and diesel crossed Rs 300 mark. Petrol up by Rs 14.91 to Rs 305.36. Diesel price up by Rs 18.44 to Rs 311.84. This is a DISASTER for the public. pic.twitter.com/KdDaLwIvRw
— Syed Talat Hussain (@TalatHussain12) August 31, 2023
صحافی ثنا بچا لکھتی ہیں اس ملک میں سب کو ریلیف ملے گا، سوائے عوام کے۔ لیکن آپ کو گھبرانا نہیں ہے۔
اِس مُلک میں سب کو relief ملے گا۔۔۔سِوائےعوام کے!لیکن آپ نےگھبرانا نہیں ہے
— Sana Bucha (@sanabucha) August 31, 2023
اقصیٰ نامی ٹوئٹرصارف نے تبصرہ کیا کہ نگراں حکومت نے ان لوگوں پر پیٹرول بم گرا دیا ہے جو پہلے ہی مہنگائی کے خلاف لڑ رہے ہیں۔
Caretaker Government dropped a petrol bomb on people who are already struggling against inflation.#PetrolDieselPrice pic.twitter.com/XkEBaocPnV
— Aqsa Kinjhar Leela Jamali (@AqsaLeelaJamali) August 31, 2023
ناصر اقبال نامی ٹوئٹر صارف نے ایک پیٹرول پمپ پر گاڑیوں کی طویل قطاروں کی تصویر شیئر کرتے ہوئے کہا کہ یہ تصویر اسلام آباد کے مہنگے ترین علاقے سیکٹر ایف سکس کی ہے جہاں پیٹرول کی قیمتوں میں اضافے سے قبل گاڑیوں کا رش لگ گیا تھا۔ یہ صورتِ حال اگر اسلام آباد کے مہنگے ترین علاقے کے ہیں تو ملک کے دیگر علاقوں کا کیا حال ہو گا۔
This picture is of Islamabad%27s most expensive sector F-6. In view of the possible increase in petrol,the rush of vehicles can be seen. When this is the situation in this most expensive area of Islamabad,what will be the situation in other areas of the country?#PetrolDieselPrice pic.twitter.com/Uwq8kfR44B
— Nasir Iqbal Khattak (@NasirIqbalKhat8) August 31, 2023
ایک ٹوئٹر صارف نے وزارتِ خزانہ کے نوٹی فکیشن کو شیئر کرتے ہوئے اس پر تبصرہ کیا کہ انہوں نے ہماری زندگی جنہم بنا دی ہے۔
They have made our life a living hell! #PetrolDieselPrice pic.twitter.com/TKh5z0PvMN
— Amal Kamal (@AmalSyed1) August 31, 2023
پیٹرول اور ڈیزل کی ٹرپل سینچری پر تبصرہ کرتے ہوئے اسپورٹس جرنلسٹ رشید شکور نے کہا کہ برائن لارا کا 400 رنز کا ریکارڈ بھی کچھ زیادہ دور نہیں۔
Brian Lara ka 400 runs ka record bhi zyada dooor nahi. https://t.co/18RuKbHeLB
— Rasheed shakoor (@rasheedshakoor) September 1, 2023