بالی وڈ کے سلطان سلمان خان نے عید کے موقع پر ریلیز ہونے والی فلم 'رادھے: یور موسٹ وانٹڈ بھائی' کا ریویو کرنے والے بھارتی اداکار اور رائٹر کمال آر خان کے خلاف ہتک عزت کا مقدمہ دائر کیا ہے۔
سلمان خان نے 25 مئی کو بھارت کے شہر ممبئی کی مقامی عدالت میں کمال آر خان کے خلاف ہتک عزت کا مقدمہ دائر کیا تھا۔
کمال آر خان نے سلمان خان کی جانب سے بھیجے جانے والے نوٹس کی تصویر بھی ٹوئٹر پر شیئر کی اور کہا کہ "میں اپنے فالوورز کے لیے ریویو کرتا ہوں اور یہی میرا کام ہے۔"
Dear #Salmankhan Ye defamation case Aapki Hataasha Aur Niraasha Ka Saboot Hai. I am giving review for my followers and doing my job. You should make better films instead of stopping me from reviewing your films. Main Sacchi Ke Liye Ladta Rahunga! Thank you for the case. 🙏🌹 pic.twitter.com/iwYis64rLd
— KRK (@kamaalrkhan) May 25, 2021
ان کے بقول سلمان خان کو مجھے ریویو کرنے سے روکنے کے بجائے بہتر فلمز بنانی چاہیئں۔
کمال آر کے خلاف دائر مقدمے کی سماعت آج (جمعرات) ممبئی کے سٹی سول کورٹ میں ہوئی۔
سماعت سے متعلق بھارتی اداکار و رائٹر کمال آر خان نے مائیکرو بلاگنگ سائٹ پر ٹوئٹ بھی کی۔
Court hearing is done. Next date is 7th June 2021! Vande Mataram! Satyamev Jayate. Jai Hind! 🙏🏼👍👌💪💪💪
— KRK (@kamaalrkhan) May 27, 2021
اپنے ٹوئٹ میں کمال آر خان کا کہنا تھا کہ سماعت مکمل ہو گئی ہے جب کہ عدالت نے اگلی سماعت کی تاریخ سات جون 2021 مقرر کی ہے۔
باکس آفس ورلڈ وائڈ کی رپورٹ کے مطابق سلمان خان کی قانونی ٹیم نے کمال آر خان کے خلاف ہتک عزت کا مقدمہ دائر کرنے کی وضاحت کرتے ہوئے جاری بیان میں کہا کہ "کمال آر خان نے اپنی سلسلہ وار ٹوئٹس اور ویڈیوز میں دعویٰ کیا ہے کہ سلمان خان نے ان پر فلم ریویو کرنے پر مقدمہ درج کیا ہے یہ بات غلط ہے۔"
سلمان خان کی قانونی ٹیم اپنے بیان میں کہا کہ کمال آر خان کے خلاف مقدمہ توہین آمیر الزامات جس میں سلمان خان کو کرپٹ اور ان کی برانڈ بینگ ہیومن کے فراڈ میں ملوث ہونے سمیت دیگر الزامات کی بنیاد پر دائر کیا ہے۔
کیس کی سماعت کے بعد کمال آر خان نے ٹوئٹر پر جاری بیان میں کہا کہ کورٹ کے حکم کے مطابق میں سلمان خان اور اس کیس سے متعلق بات نہیں کر سکتا یہی وجہ ہے کہ میں سلمان خان کی قانونی ٹیم کے بیان کا جواب نہیں دے سکتا۔
As per court order I am not allowed to talk about Salman or the case, therefore I can’t reply to Salman’s legal team statement today! But I will reply them with full 20 minutes video after 7th June 2021! Ab Aar Paar Ki Hogi! 🙏🏼💪
— KRK (@kamaalrkhan) May 27, 2021
انہوں نے کہا کہ میں سات جون کی سماعت کے بعد ویڈیو پیغام کے ذریعے جواب دوں گا۔
سلمان خان کی جانب سے فلم رادھے کا ریویو کرنے پر ہتک عزت کا مقدمہ دائر کرنے کے حوالے سے کمال آر خان نے سلسلہ وار ٹوئٹس کے ذریعے ردِ عمل کا اظہار کیا ہے۔
I said so many times that I never review film of any producer, actor if he asks me to not review. Salman khan filed defamation case on me for review of #Radhe means he is getting too much affected by my review. Hence I won’t review his films anymore. My last video releasing today
— KRK (@kamaalrkhan) May 26, 2021
کمال آر خان نے کہا کہ میں کئی مرتبہ یہ بات کہہ چکا ہوں کہ میں کبھی بھی کسی پروڈیوسر یا اداکار کے کہنے پر کوئی فلم ریویو نہیں کرتا، سلمان خان نے فلم رادھے ریویو کرنے پر میرے خلاف ہتک عزت کا مقدمہ دائر کر دیا جس سے یہ ظاہر ہوتا ہے کہ وہ میرے ریویو سے متاثر ہوئے ہیں اور اب میں ان کی کوئی فلم ریویو نہیں کروں گا۔
علاوہ ازیں کمال آر خان نے یہ بھی کہا کہ سلمان خان کے والد سلیم خان نے ایک انٹرویو میں کہا تھا کہ رادھے اچھی فلم نہیں ہے جس کا یہ مطلب تھا کہ وہ سلمان خان کو اشارہ دے رہے تھے کہ وہ اس بات کو قبول کریں کہ ان کی فلم اچھی نہیں تھی بجائے اس کے کہ وہ ہتک عزت کا مقدمہ دائر کریں۔
Salim Khan Sahab father of Salman has said in his interview that Radhe is a bad film. Means he is giving signal to Salman that he should accept that his film is bad, instead of filing defamation case against me. Thank you Salim Sahab for supporting truth.
— KRK (@kamaalrkhan) May 27, 2021
کمال آر خان نے اپنے ٹوئٹ میں سلمان خان کے والد کا سچ کی حمایت کرنے پر شکریہ بھی ادا کیا۔
واضح رہے کہ اداکار سلمان خان کی فلم 'رادھے: یور موسٹ وانٹڈ بھائی بھائی' کو 13 مئی کو آن لائن ریلیز کیا گیا تھا۔
سلمان خان کی فلم رادھے کو آئی این ڈی بی (انٹرنیٹ مووی ڈیٹا بیس) پر دو اعشاریہ ایک ریٹنگز موصول ہوئی ہیں۔
آئی این ڈی بی (انٹرنیٹ مووی ڈیٹا بیس) ایک ایسی سائٹ ہے جس پر فلم، ٹیلی ویژن پروگرام، گیمز، آن لائن اسٹریمنگ مواد شخصیات کی ریٹنگز کرتی ہے۔
SEE ALSO: بھارت میں کرونا بحران کے دوران سلمان خان کی فلم ریلیز، 'کیا رادھے کے لیے کوئی ویکسین ہے؟'علاوہ ازیں فلم میں سلمان خان نے ایک پولیس افسر کا کردار ادا کیا ہے جو جرائم پیشہ افراد کا انکاؤنٹر کرتا ہے جب کہ رادھے کی دیگر کاسٹ میں اداکارہ دیشا پٹانی اور جیکی شروف بھی شام ہیں۔ رندیپ ہودا نے فلم میں وِلن کا کردار نبھایا ہے۔
فلم کی ہدایات پربھو دیوا نے دی ہیں۔ اس سے قبل وہ سلمان خان کی مقبول ترین فلموں 'وانٹڈ' اور 'دبنگ تھری' کی ہدایت کاری بھی کر چکے ہیں۔