بھارت میں عالمی وبا کرونا وائرس کی دوسری لہر کے دوران بالی وڈ سپر اسٹار سلمان خان کی فلم 'رادھے: یور موسٹ وانٹڈ بھائی' عید الفطر کے موقع پر آن لائن ریلیز کی گئی ہے۔
فلمی شائقین کو سلمان خان کی اس نئی فلم کا انتظار گزشتہ برس سے تھا جو کہ وبا کی وجہ سے تاخیر کا شکار ہو گئی تھی۔
اداکار سلمان خان نے ماضی کی طرح اس سال بھی عید الفطر کے موقع پر اپنی فلم ریلیز کرنے کی روایت برقرار رکھی۔ لیکن ان کی یہ فلم گزشتہ فلموں کے مقابلے میں اوپننگ پر یعنی ریلیز کے پہلے دن اچھا بزنس کرنے میں کامیاب نہیں ہو سکی۔
باکس آفس انڈیا کی رپورٹ کے مطابق سلمان خان کی فلم 'رادھے' ریلیز کے پہلے دن دنیا بھر سے چھ لاکھ ڈالرز کا بزنس کر سکی۔
#RadheYourMostWantedBhai Overseas First Day Business https://t.co/Z4QieR2DCT
— Box Office India (@Box_Off_India) May 14, 2021
سلمان خان کی فلم 'دبنگ تھری' نے اوپننگ پر 40 لاکھ ڈالر کا بزنس کیا تھا جب کہ ان کی فلم 'بھارت' نے 2019 میں عید الفطر کے موقع پر 62 لاکھ ڈالر سے زائد کا بزنس کیا تھا۔
ایکشن، تھرل اور سنسنی سے بھرپور فلم رادھے 13 مئی کو آن لائن اسٹریمنگ پلیٹ فارم 'زی فائیو' پر ریلیز کی گئی۔ فلم ریلیز ہونے کے بعد سوشل میڈیا صارفین 'زی فائیو' کا سرور کریش ہونے کی شکایت بھی کرتے نظر آئے۔
Zee5 servers crashing like it’s CoWin. #Radhe pic.twitter.com/80fKmU8wgd
— Aniruddha Guha (@AniGuha) May 13, 2021
رادھے کا انتظار سلمان خان کے چاہنے والے فلم کا ٹریلر ریلیز ہونے کے بعد سے کر رہے تھے۔ لیکن سوشل میڈیا صارفین کے تبصروں سے یہ ظاہر ہو رہا ہے کہ بعض لوگوں کو سلمان خان کی نئی فلم کچھ خاص پسند نہیں آئی ہے۔
Any vaccine for Radhe?
— Abijit Ganguly (@AbijitG) May 13, 2021
ٹوئٹر پر ابیجیت گنگلے نے رادھے کو کرونا وائرس سے ملاتے ہوئے کہا ہے کہ "رادھے کے لیے کوئی ویکسین ہے؟"
My reaction After watching #Radhe movie for just 30min #BoycottRadhe pic.twitter.com/XZFzMSaVe5
— Jack (@Stranger_133) May 14, 2021
ایک صارف نے میم شیئر کرتے ہوئے لکھا کہ "30 منٹ رادھے فلم دیکھنے کے بعد میرا ردِ عمل۔"
After corona there is radhe pandemic.Don%27t watch this virus,stay safe.#राधे_फिल्म_का_बहिष्कार_करो pic.twitter.com/b4edIU7FjY
— Vicky_agrawalla (@AgrawallaVicky) May 13, 2021
سلمان خان کی فلم پر تبصرہ کرنے ہوئے وکی کا کہنا تھا کہ "کرونا کے بعد اب رادھے وبا، اس وائرس کو نہ دیکھیں اور محفوظ رہیں۔"
سوشل میڈیا پر جہاں صارفین کی جانب سے فلم 'رادھے' کے لیے منفی تبصرے کیے جا رہے ہیں۔ وہیں سلمان خان کے کچھ مداح ان کی فلم کو خوب پسند کر رہے ہیں۔
سانو خان نے 'رادھے' کو ایک اچھی فلم قرار دیا ہے۔
Radhe is very good movie . A must watch family entertainer Go and watch it on Zee apps if you haven%27t watched it yet#Radhe
— SANU KHAN 🦁 (@Salmansbrigade) May 14, 2021
راجویر نامی صارف نے سلمان خان کو ان کی فلم رادھے کے لیے مبارک باد دی اور لوگوں کو یہ فلم دیکھنے کو کہا ہے۔
Congratulations 💐 @BeingSalmanKhan ❤️ #Radhe 1st Blockbuster after Corona ⭐⭐⭐⭐⭐ Must watch 👍 pic.twitter.com/JMIxHKOneO
— Rajvir990 🇮🇳 (@Rajveer9513) May 13, 2021
یاد رہے کہ فلم 'رادھے: یور موسٹ وانٹڈ بھائی' میں سلمان خان نے ایک پولیس افسر کا کردار ادا کیا ہے جو جرائم پیشہ افراد کا انکاؤنٹر کرتا ہے۔
فلم کی کاسٹ میں سلمان خان کے علاوہ اداکارہ دیشا پٹانی اور جیکی شروف بھی شام ہیں۔ رندیپ ہودا نے فلم میں وِلن کا کردار نبھایا ہے۔
فلم کی ہدایات پربھو دیوا نے دی ہیں۔ اس سے قبل وہ سلمان خان کی مقبول ترین فلموں 'وانٹڈ' اور 'دبنگ تھری' کی ہدایت کاری بھی کر چکے ہیں۔