ری پبلکن جماعت کے رہنما اور امریکی سینیٹ کے سینئر رکن جان مکین انتقال کرگئے ہیں۔ ان کی عمر 81 برس تھی۔
سینیٹر مکین گزشتہ ایک برس سے دماغ کے سرطان میں مبتلا تھے اور ریاست ایریزونا میں زیرِ علاج تھے۔ وہ اپنی علالت کے باعث گزشتہ سال دسمبر سے واشنگٹن ڈی سی سے غیر حاضر تھے اور انہوں نے اپنی زندگی کے آخری ایام ایریزونا میں واقع اپنے گھر میں گزارے۔
سینیٹر مکین کے انتقال کا اعلان ہفتے کو ان کےد فتر سے جاری ایک بیان میں کیا گیا جس کے مطابق ان کا انتقال ہفتے کی شام ساڑھے چار بجے ہوا۔
My heart is broken. I am so lucky to have lived the adventure of loving this incredible man for 38 years. He passed the way he lived, on his own terms, surrounded by the people he loved, in the the place he loved best.
— Cindy McCain (@cindymccain) August 26, 2018
امریکی ریاست ایریزونا سے منتخب سینیٹر مکین کے دماغ کے سرطان کی ایک قسم 'گلیو بلاسٹوما' میں مبتلا ہونے کی تشخیص گزشتہ سال جولائی میں ہوئی تھی جس کے بعد سے ان کا علاج جاری تھا۔
تاہم جمعے کو ان کے اہلِ خانہ نے اعلان کیا تھا کہ سینیٹر مکین نے اپنا علاج مزید جاری نہ رکھنے کا فیصلہ کیا ہے۔
I love you forever - my beloved father @SenJohnMcCain pic.twitter.com/Y50tVQvlVe
— Meghan McCain (@MeghanMcCain) August 26, 2018
جان مکین کو امریکی سیاست میں ان کے دلیرانہ مؤقف اور نکتۂ نظر کی وجہ سے 'میورک' یعنی باغی کے طور پر جانا جاتا تھا۔
ری پبلکن پارٹی کے رکن ہو کر بھی وہ اپنی پارٹی کی پالیسیوں پر کھل کر اپنے اختلافی مؤقف کا اظہار کرتے رہے۔ ان کا شمار صدر ٹرمپ کے کڑے ناقدین میں ہوتا تھا۔
Arizona Sen. John McCain, the war hero who became the GOP’s standard-bearer in the 2008 election, has died. He was 81.His office says McCain died Saturday. He had glioblastoma, a form of brain cancer.https://t.co/S2RSWsCJDM pic.twitter.com/qXln9IdoF5
— The Voice of America (@VOANews) August 26, 2018
سینیٹر مکین پہلی بار 1986ء میں امریکی سینیٹ کے رکن منتخب ہوئے تھے اور اس کے بعد سے مسلسل سینیٹ کے رکن منتخب ہوتے آ رہے تھے۔
ان کا شمار کانگریس کے سرگرم اور فعال ترین ارکان میں ہوتا تھا۔ تاہم ان کے ناقدین کا خیال تھا کہ جان مکین سفارت کاری پر جنگ کو ترجیح دینے والے سیاست دان تھے اور ان کا خیال تھا کہ محاذ آرائی سے مسائل حل کیے جاسکتے ہیں۔
تصاویر: سینیٹر مکین کی زندگی
وہ 2008ء کے صدارتی انتخابات میں ری پبلکن جماعت کے امیدوار بھی تھے لیکن وہ یہ انتخاب امریکہ کی تاریخ کے پہلے سیاہ فام صدر براک اوباما سے ہار گئے تھے۔
سینیٹر مکین ایک امریکی ایڈمرل کے بیٹے اور خود بھی سابق فوجی تھے جو امریکہ کی طرف سے ویتنام کی جنگ میں بھی شریک رہے تھے۔ اس جنگ کے دوران وہ پانچ سال تک قیدی بھی رہے تھے۔
My deepest sympathies and respect go out to the family of Senator John McCain. Our hearts and prayers are with you!
— Donald J. Trump (@realDonaldTrump) August 26, 2018
'گلیو بلاسٹوما' کی تشخیص ہونے سے قبل بھی مکین جلد کے سرطان کی سب سے خطرناک قسم میلانوما سمیت مختلف عارضوں کا شکار رہ چکے تھے جن کی بڑی وجہ ڈاکٹروں کے مطابق 1967ء سے 1973ء کے دوران ویتنام میں جنگی قیدیوں کے کیمپ میں ان کا حراست میں رہنا تھا جہاں انہیں سخت مشکل حالات سے گزرنا پڑا تھا۔
سینیٹر مکین کے انتقال پر امریکی صدر ڈونلڈ ٹرمپ اور ڈیموکریٹ اور ری پبلکن – دونوں جماعتوں کے رہنماؤں نے تعزیت کا اظہار کیا ہے۔
Pakistan shares the grief of the American people on the loss of Senator McCain.Heartfelt condolences to the family. As Chairman of the Armed Services Committee,Senator McCain stood for a strong Pak-US partnership for peace & stability in the region. He will be missed in Pakistan.
— Dr Mohammad Faisal (@ForeignOfficePk) August 26, 2018
پاکستان کی وزارتِ خارجہ اور کئی سیاسی رہنماؤں نے بھی سینیٹر مکین کے انتقال پر دکھ اور افسوس کا اظہار کیا ہے۔
پاکستان کے دفترِ خارجہ کے ترجمان ڈاکٹر محمد فیصل نے ٹوئٹر پر ایک بیان میں کہا ہے کہ امریکی سینیٹ کی آرمڈ سروسز کمیٹی کے چیئرمین کے طور پر سینیٹر جان مکین خطے میں امن اور استحکام کے لیے پاکستان اور امریکہ کے درمیان قریبی تعاون کے حامی تھے اور پاکستان میں ان کی کمی محسوس کی جائے گی۔