بھارت کے معروف کامیڈین ویر داس کو ایک حالیہ تقریب میں اپنی نظم پڑھنے پر شدید تنقید کا سامنا کرنا پڑ رہا ہے۔ وہیں پولیس سے ان کے خلاف کارروائی اور گرفتار کرنے کا مطالبہ بھی کیا جا رہا ہے۔
یہ معاملہ اس وقت شروع ہوا جب کامیڈین کی اپنے ہی ملک کے لیے نظم 'میں دو انڈیا سے ہوں' نظم سامنے آئی۔
ویر داس نے ہفتے کو امریکہ کے دارالحکومت واشنگٹن ڈی سی کے کینیڈی سینٹر میں ایک شو کے دوران 'میں دو انڈیا سے ہوں' نظم پڑھی جس کی ویڈیو انہوں نے اپنے یوٹیوب اکاؤنٹ پر شیئر کی۔
ان کی ویڈیو یوٹیوب پر آنے کے بعد دیکھتے ہی دیکھتے سوشل میڈیا پر خوب وائرل ہوئی اور جہاں ان کی نظم کو لوگوں نے پسند کیا وہیں متعدد شہریوں اور معروف شخصیات کی جانب سے ناپسندیدگی کا بھی اظہار کیا جا رہا ہے۔
ویر داس نے اپنی نظم میں بھارت کے حوالے سے کئی پہلوؤں کا ذکر کیا ہے۔
انہوں نے اپنی نظم کے آغاز میں کہا کہ "میں اس انڈیا سے ہوں جہاں ماسک لگائے ہوئے بچے آپس میں ہاتھ ملا رہے ہوتے ہیں اور وہیں رہنما بغیر ماسک ایک دوسرے کو گلے لگا رہے ہوتے ہیں۔"
کامیڈین نے کہا کہ میں اس انڈیا سے ہوں جہاں ایئر کوالٹی انڈیکس 9000 ہے البتہ ہم پھر بھی چھت پر لیٹ کر تارے دیکھتے ہیں۔
ویر داس کا کہنا تھا کہ میں اس انڈیا سے ہوں جہاں ہم دن میں خواتین کی پوجا کرتے ہیں اور رات میں ان خواتین کا گینگ ریپ ہوتا ہے۔
انہوں نے کہا کہ میں اس انڈیا سے ہوں جہاں ٹوئٹر پر لوگ بالی وڈ کے لیے الگ الگ رائے رکھتے ہیں اور وہی لوگ تھیٹر میں بالی وڈ کی وجہ سے اکھٹے ہوتے ہیں۔
اپنی نظم میں ویر داس نے کہا کہ میں اس انڈیا سے ہوں جہاں صحافت ختم ہو گئی ہے اور مرد سوٹ پہن کر اسٹوڈیو میں ہوتے ہیں جب کہ لیپ ٹاپ اٹھائی خواتین سڑکوں پر سچ بتانے کے لیے نکلی ہوئی ہیں۔
'ویر داس جیسے لوگوں کی گرفتار کیا جانا چاہیے'
ویر داس کی اس نظم پر بھارت کے سیاست دان، شوبز شخصیات اور عام شہریوں کی طرف سے ملے جلے ردِ عمل کا اظہار کیا جا رہا ہے۔
بھارت کی حکمران جماعت بھارتیہ جنتا پارٹی (بی جے پی) کے مقامی ترجمان آدتیہ جھا نے ذرائع ابلاغ سے بات کرتے ہوئے کہا کہ ویر داس جیسے لوگوں کو گرفتار کیا جانا چاہیے تاکہ اس کے بعد اس طرح کے الفاظ استعمال کرنے والے اور کسی بھی پلیٹ فارم پر بھارت کی تصویر کی غلط منظر کشی کرنے والے افراد ہمیشہ محتاط رہیں۔
मेरी लड़ाई@thevirdas से नहीं उस उदासीन सोच से है जो अपने ही देश के प्रति घृणा भाव पैदा करेअगर आज @thevirdas भारत को बलात्कारियों का देश कह कर बच जाते हैं तो कल ऐसे और ‘दास’ पैदा हो जाएँगेदिल्ली पुलिस की जाँच जारी है, जल्द ही बड़ी खबर दूँगास्वतंत्र भारत में दासों का क्या काम? pic.twitter.com/8N0bAg1NVq
— Aditya jha (@adityajhadelhi) November 17, 2021
انہوں نے مزید کہا کہ اگر آپ کو بھارت میں رہنا ہے اور اگر آپ کہتے ہیں کہ میں انڈیا سے ہوں تو آپ کو اس کا احساس ہونا چاہیے۔
یاد رہے کہ بے حد تنقید کا سامنا کرنے کے بعد ویر داس نے اپنے سوشل میڈیا اکاؤنٹ پر اپنی نظم سے متعلق وضاحت بھی کی۔
— Vir Das (@thevirdas) November 16, 2021
انہوں نے کہا کہ ویڈیو دو بالکل الگ بھارت پر ایک طنز تھا جہاں مختلف چیزیں ہوتی ہیں، جس طرح دیگر اقوام کی اچھی اور بری تصویر ہوتی ہے۔
کامیڈین ویر داس نے کہا کہ مجھے اپنے ملک پر فخر ہے اور میں یہ فخر اپنے ساتھ پوری دنیا میں لے کر جاتا ہوں۔
دوسری جانب ریاست مہاراشٹر میں بی جی پی کے قانونی مشیر اشوتوش جے دوبے نے ویر داس کے خلاف بھارت کے تشخص کو نقصان اور امریکہ میں بدنام کرنے کی شکایت درج کی ہے۔
I have filed the complaint against Vir Das Indian Comedian with @CPMumbaiPolice @MumbaiPolice for defaming & spoiling the image of India in the USA, which is inflammatory.He wilfully spelled inciting & derogatory statements against India, Indian women, & the PM of India. pic.twitter.com/xQuLuGwGZv
— ADV. ASHUTOSH J. DUBEY 🇮🇳 (@AdvAshutoshBJP) November 16, 2021
بھارتی مصنف چیتن بھگت کا کہنا ہے کہ ’’میں اپنی والدہ سے لڑوں یا ان کے عیب نکالوں لیکن میں کبھی پڑوسیوں کے گھر ان پر تنقید کرنے نہیں جاؤں گا۔"
I may fight or find many faults with my mother but I won’t go criticising her in the neighbours house. I may find a hundred things wrong with my country but I won’t go criticise it publicly on an international stage. Maybe it’s just me, but some things are just not done.
— Chetan Bhagat (@chetan_bhagat) November 18, 2021
چیتن بھگت کے بقول "مجھے اپنے ملک کی سو چیزیں غلط لگ سکتی ہیں لیکن میں کبھی عالمی سطح پر اس پر تنقید نہیں کروں گا۔"
ویر داس کو جہاں تنقید کا سامنا کرنا پڑا وہیں بھارتی اداکارہ کامیا پنجابی نے ان کی حمایت کی ہے۔
کامیا پنجابی نے کہا کہ "میں اس بات سے متفق ہوں کہ بھارت کی دو تصویریں ہیں، بھارت کا ایک رخ ایسا ہے جس پر ہمیں بہت فخر ہوتا ہے اور اس کے لیے ہم مر مٹنے کے لیے تیار ہوتے ہیں۔"
ان کے بقول "بھارت کا ایک ایسا بھی رخ ہے جس کے لیے ہم امید اور کڑی محنت کر رہے ہیں کہ وہ تبدیل ہو جائے۔ اس میں کیا غلط ہے۔"