ہفتے کے روز آسٹریلیا میں میلبورن کےمضافات میں کئی سو لوگوں نے علاقے میں پناہ گزینوں کو رکھنے کی ایک تجویز کے حق اور اس کی مخالفت میں جلوس نکالے ۔
آسٹریلیا میں قدامت پسند حکومت کی جانب سے کشتیوں کے ذریعے آسٹریلیا پہنچنے کی کوشش کرنے والے پناہ کے متلاشیوں پر ،مستقل پابندی لگانے کا اعلان کیا گیا ہے۔
حکومتی منصوبوں کے اعلان کے بعد پناہ کی غرض سے ملک میں غیر قانونی طریقوں سے داخل ہونے والوں کے خلاف سخت پالیسی پر سیاسی بحث حال ہی میں زور پکڑ چکی ہے ۔
کشتیوں کے ذریعے آسڑیلیا کے ساحلی علاقوں پر اترنے کی کوشش کرنے والے سینکڑوں پناہ گزین سمندر میں ڈوب کر ہلاک ہوچکے ہیں۔
