انڈونیشیا کی ایک عدالت نے جنوب مشرقی ایشیا کے ایک جانے پہچانے راک سٹار کو تین سال سے زیادہ عرصہ پہلے انٹرنیٹ پر اس کی ایک ویڈیو ٹیپ منظر عام پر آنے کے بعد، جس میں اسے ٹیلی ویژن کی دو شخصیات کے ساتھ قابل اعتراض حالت میں دکھایا گیا تھا، سزا سنائی ہے۔
نظرل اریل، جن کی عمر 29 سال ہے، راک بینڈ پیٹرپین کے مرکزی گلوکار ہیں۔ عدالت نے انہیں فحش مواد کے انسداد کے قوانین کے تحت ساڑھے تین سال قید کی سزا سنائی۔
کمرہ عدالت کے اندر اور باہر موجود نظرل کے شیدائیوں نے فیصلے کے خلاف اپنی برہمی کا اظہار کیا۔
گلوکار کا کہناہے کہ مذکورہ ویڈیو کو چرا کر، اس کے علم میں لائے بغیر انٹرنیٹ پر شائع کیا گیاتھا۔ لیکن سخت موقف کے حامی مسلمانوں نے کہاہے کہ ان کی ان حرکتوں سے قومی اخلاقیات کو نقصان پہنچا ہے۔
