پی ٹی آئی کا احتجاج: اسلام آباد اور لاہور میں پولیس کی پکڑ دھکڑ

لاہور ہائی کورٹ نے حساس اداروں کو شہریوں کی فون کالز ریکارڈ کرنے کی اجازت دینے کے خلاف درخواست سماعت کے لیے مقرر کردی ہے۔

چیف جسٹس لاہور ہائی کورٹ عالیہ نیلم کی سربراہی میں تین رکنی فل بینچ 10 اکتوبر کو درخواست پر سماعت کرے گا۔

واضح رہے کہ ایڈووکیٹ اظہر صدیق نے حساس اداروں کو فون کالز ریکارڈ کرنے کی اجازت دینے کے وفاقی حکومت کے نوٹی فکیشن کو چیلنج کیا تھا۔

عدالتِ عالیہ کے فل بینچ نے مقدمہ اسلام آباد ہائی کورٹ یا سپریم کورٹ میں زیرِ سماعت ہونے کا ریکارڈ بھی طلب کر لیا ہے۔

لاہور کی انسدادِ دہشت گردی عدالت نے نو مئی جلاؤ گھیراؤ کے پانچ مقدمات میں سابق وفاقی وزیر فواد چوہدری کی عبوری ضمانت میں توسیع کردی۔

ہفتے کو اے ٹی سی کے جج ارشد جاوید نے فواد چوہدری کی عبوری ضمانت کی درخواستوں پر سماعت کی۔

سماعت کے دوران عدالت نے فواد چوہدری کی ایک روزہ حاضری سے استثنیٰ کی درخواست بھی منظور کی۔ ساتھ ہی سابق وفاقی وزیر کی عبوری ضمانتوں میں 28 اکتوبر تک توسیع کا حکم دے دیا۔

تحریک انصاف کے رہنما حماد اظہر نے کہا ہے کہ اسلام آباد میں احتجاج جاری رہے گا جب کہ پنجاب کے مختلف اضلاع میں بھی ہفتے سے احتجاج شروع کیا جائے گا۔

سماجی رابطے کے پلیٹ فارم 'ایکس' پر ایک بیان میں حماد اظہر نے کہا کہ لاہور اور اس کے مضافات میں رہنے والے لوگ لاہور کے احتجاج میں شرکت کریں گے۔

پاکستان تحریک انصاف کے اسلام آباد میں احتجاج کے دوران رات گئے پولیس اور مظاہرین میں درمیان مختلف مقامات پر تصادم جاری رہا۔

تحریکِ انصاف کے کارکنان نے ڈی چوک پر پہنچنے کی کوشش کی جب کہ پولیس نے انہیں منتشر کرنے کے لیے آنسو گیس کی شیلنگ کی جب کہ رپورٹس کے مطابق کچھ مقامات پر ربڑ کی بلٹس فائر کی گئیں۔

اس دوران مظاہرین کی جانب سے بھی پولیس پر پتھراؤ کیا گیا جس سے بعض پولیس اہلکاروں کے زخمی ہونے کی بھی اطلاعات ہیں۔