بنوں پولیس لائنز حملہ: آپریشن مکمل، پانچوں دہشت گردوں کو ہلاک کرنے کا دعویٰ

وفاقی وزارتِ داخلہ کے ترجمان نے ایک بیان میں کہا ہے کہ بیرسٹر گوہر علی خان نے وفاقی وزیرِ داخلہ محسن نقوی کو خط تحریر کیا اور سابق وزیرِ اعظم عمران خان سے ملاقات کی درخواست کی تھی۔

ترجمان کے مطابق گزشتہ روز وفاقی وزیرِ داخلہ سے بیرسٹر گوہر علی کی ٹیلی فون پر بات ہوئی۔ وفاقی وزیرداخلہ نے درخواست کا جائزہ لینے کی یقین دہانی کرائی البتہ ملاقات کی اجازت کی یقین دہانی نہیں کرائی گئی۔

ترجمان کا مزید کہنا تھا کہ شنگھائی تعاون تنظیم کی سربراہی کانفرنس اور سکیورٹی خدشات کے تناظر میں جیل میں تمام قیدیوں سے ملاقاتوں پر پابندی ہے۔ کسی ایک قیدی کو ملاقات کی اجازت دینا دیگر قیدیوں کے ساتھ دہرے معیار اور سلوک کے زمرے میں آئے گی۔

واضح رہے کہ پی ٹی آئی نے 15 اکتوبر کو اسلام آباد میں احتجاج کا اعلان کیا ہے۔ اسی دن ایس سی او اجلاس شروع ہونا ہے۔ سیاسی جماعتیں تحریکِ انصاف سے احتجاج مؤخر کرنے کا مطالبہ کر رہی ہیں۔ پی ٹی آئی نے احتجاج مؤخر کرنے کی مشروط آمادگی ظاہر کرتے ہوئے کہا ہے کہ اگر عمران خان سے پی ٹی آئی رہنماؤں کی ملاقات کرا دی جائے تو وہ احتجاج مؤخر کر سکتے ہیں۔

چین کے وزیرِ اعظم لی چیانگ اسلام آباد پہنچ گئے ہیں۔

پاکستان کے وزیرِ اعظم شہباز شریف نے نور خان ایئر بیس پر ان کا استقبال کیا ہے اس موقع پر دیگر اعلیٰ حکام بھی موجود تھے۔

خیبر پختونخوا کے ضلع بنوں میں پولیس لائنز پر حملے کی اطلاعات ہیں۔

حکام نے نام ظاہر نہ کرنے کی شرط پر بتایا ہے کہ مسلح افراد پولیس لائنز کے اندر گھس چکے ہیں جب کہ اس وقت شدید فائرنگ جاری ہے۔

سوشل میڈیا پر ایسی غیر مصدقہ ویڈیوز بھی زیرِ گردش ہیں جن میں بنوں پولیس لائنز میں ہونے والی فائرنگ کی آوازیں سنی جا سکتی ہیں۔

اطلاعات کے مطابق فائرنگ کے سبب بنوں پولیس لائنز کے سامنے روڈ سنسان ہوگئی ہے۔

سرکاری طور پر اس حوالے سے کوئی بیان سامنے نہیں آیا۔

حکام نے تصدیق کی ہے کہ بنوں میں پولیس لائنز پر عسکریت پسندوں نے حملہ کیا ہے۔

حکام نے نام ظاہر نہ کرنے کی شرط پر بتایا ہے کہ حملے میں متعدد افراد ہلاک ہوئے ہیں۔

حکام کے مطابق سیکیورٹی اداروں کی جانب سے جوابی کارروائی جاری ہے۔