صدارتی انتخابات کے اب تک کے نتائج

وائس آف امریکہ کی ارود سروس کے ذریعے ہم آپ کو امریکہ کے صدارتی الیکشن کی تازہ ترین صورتِ حال سے آگاہ رکھے ہوئے ہیں۔ اس سلسلے میں ہماری ویب سائٹ پر انتخابات سے متعلق امریکہ کا نقشہ موجود ہے۔

امریکہ کے اس نقشے میں تمام ریاستوں کی حدود اور ان کے ناموں کا دو حرفی مخفف دیا گیا ہے۔ مثال کے طور پر ’سی اے‘ سے مراد کیلی فورنیا ہے اور ’وی اے‘ سے مراد ورجینیا ہے۔

صدارتی انتخاب کے دوران امریکہ کی مختلف ریاستوں کے نتائج اس نقشے کی مدد سے معلوم کیے جا سکتے ہیں۔ بلکہ اس کے ساتھ ساتھ یہ معلومات بھی موجود ہیں کہ کونسی سی ریاست میں الیکٹورل ووٹوں کی تعداد کتنی ہے اور ماضی میں ان ریاستوں نے کس جماعت کے حق میں اپنا فیصلہ سنایا تھا۔

امریکہ کی صدارت کا فیصلہ پاپولر ووٹ یعنی براہِ راست عوام کے دیے گئے ووٹوں سے نہیں ہوتا۔ صدر کا انتخاب ایک خاص نظام کے ذریعے ہوتا ہے جس کے دو مراحل ہیں۔

پہلے مرحلے میں رائے دہندگان اپنی اپنی ریاستوں کے مندوبین یا الیکٹورلز کا انتخاب کرتے ہیں۔ اس نظام کے تحت ریاست کی سطح پر ڈالے گئے ووٹوں کے بعد الیکٹورل کالج تشکیل پاتا ہے جس میں شامل مندوبین صدر کو منتخب کرتے ہیں۔

مزید پڑھیے

امریکی انتخابات کے لیے بیٹل گراؤنڈ ریاستوں سمیت بیشتر ریاستوں میں پولنگ کا عمل جاری ہے۔

الاسکا اور واشنگٹن میں بھی پولنگ کا آغاز ہو گیا جب کہ ایریزونا، آئیووا، لوئزیانا، منی سوٹا، ساؤتھ ڈکوٹا، نارتھ ڈکوٹا، ٹیکساس، اوکلاہوما اور جارجیا میں بھی پولنگ جاری ہے۔ ساؤتھ کیرولائنا، اوہائیو اور ویسٹ ورجینیا میں بھی پولنگ کا سلسلہ جاری ہے۔