یحییٰ سنوار خان یونس میں چھپے ہوئے ہیں جو خیال کیا جاتا ہے کہ 7 اکتوبر کے حملے کے ماسٹر مائنڈ ہیں، امریکی اور اسرائیلی حکام
|
جنوبی غزہ میں خان یونس کے علاقے میں زمینی دستوں، لڑاکا جیٹ طیاروں، ہیلی کاپٹر گن شپس اور چھاتہ برداروں پر مشتمل فوجی کارروائی شروع کی گئی ہے، اسرائیل کی ڈیفینس فورسز ، آئی ڈی ایف نے جمعہ کو یہ اعلان کیا۔
یہ تیسرا زمینی آپریشن ہے جو کہ حماس کے 7 اکتوبر کو اسرائیل پر حملے کے بعد سے اسرائیلی ڈیفینس فورسز کی طرف سے کیا گیا ہے۔
خان یونس پر اسرائیلی حملے سے جان بچا کر بھاگنے والوں میں شامل ایک بچہ جو گھرکا سامان بمشکل اٹھا کر چل رہا ہے، فوٹو رائٹرز 8 اگست 2024
اسرائیل نے کہا کہ خان یونس کے خلاف یہ کارروائی فلسطینیوں کی جانب سے راکٹ فائرنگ کے جواب میں اور انٹیلی جینس کی ان معلومات کی بنیاد پر کی جارہی ہے کہ وہاں دہشت گردوں اور دہشت گردی کا انفرا اسٹرکچر موجود ہے ۔
خان یونس کے رہائشیوں اور بے گھر لوگوں سے کہا گیا کہ وہ علاقے کو خالی کر دیں جن میں سے بہت سے جولائی میں اسرائیل کے آخری حملے کے بعد ابھی حال ہی میں وہاں واپس آئے تھے۔
خان یونس میں فلسطینی اسرائیلی فوج کے انخلا کے حکم کے بعد فرار ہو رہے ہیں ، فوٹو اے پی 8 اگست 2024
امریکی اور اسرائیلی حکام نے کہا ہے کہ خان یونس وہ جگہ ہے جہاں خیال کیا جاتا ہے کہ یحییٰ سنوار چھپے ہوئے ہیں اور جو 7 اکتوبر کے حملے کے ماسٹر مائنڈ ہیں ۔
انہیں حال ہی میں حماس کے سرکردہ رہنما اسماعیل ہنیہ کی جگہ نامزد کیا گیا ہے جو ایران کے دارالحکومت تہران میں حملے میں ہلاک ہوئے تھے ، جس کے بارے میں بڑے پیمانے پر خیال کیا گیا ہے کہ وہ اسرائیل کی کارروائی تھی۔
SEE ALSO: اسرائیل کو حماس کے نئے سربراہ یحییٰ سنوار کی تلاشاسرائیل کی جنگ بندی مذاکرات دوبارہ شروع کرنےپر رضامندی
اسرائیل جمعرات کو غزہ میں جنگ بندی پر بات چیت دوبارہ شروع کرنے پر رضامند ہوگیا ہے۔ اس نے اس رضامندی کااظہار امریکہ، قطر اور مصر کی جانب سے جنگ ختم کرنے اور باقی یرغمالوں اور زیر حراست افراد کی رہائی کا معاہدہ طے کرنے کےمطالبے کے بعد کیا ہے۔
جمعرات کو ایک مشترکہ بیان میں، معاہدے کے لیے ثالثی کرنے والے تینوں ملکوں نے کہا کہ اب وقت آگیا ہےکہ جنگ بندی اور یرغمالوں اور قیدیوں کی رہائی کا معاہدہ طے کر لیا جائے ،تاکہ طویل عرصے سے مصائب میں مبتلا غزہ کے لوگوں اور طویل عرصے سے مشکلات میں پڑے یرغمالوں اور ان کے خاندانوں کو فوری ریلیف پہنچایا جا سکے۔
SEE ALSO: غزہ جنگ بندی مذاکرات آخری مرحلے میں ہیں، امریکہانہوں نے مزید کہا کہ " کسی بھی فریق کے پاس وقت ضائع کرنے یا مزید تاخیر کا کوئی جواز موجود نہیں ہے ۔ اب یرغمالوں کی رہائی،جنگ بندی کے آغاز اور اس معاہدے پر عمل درآمد کا وقت آگیا ہے۔"
انہوں نے دونوں فریقوں سے 15 اگست کو دوحہ یا قاہرہ میں دوبارہ مذاکرات شروع کرنے کا مطالبہ کیا۔
اسرائیلی وزیر اعظم بنجمن نیتن یاہو کے دفتر نے جمعرات کو بعد میں کہا کہ اسرائیل 15 اگست کو ایک مذاکراتی ٹیم کو " معاہدے پر عمل درآمد کی تفصیلات طے کرنے کے لیے متفقہ طور پر طے شدہ مقام پر بھیجےگا ۔"
ابھی تک حماس کی جانب سے کوئی وفد بھیجنے کے بارے میں کچھ نہیں کہا گیا۔
اسرائیلی وزیر اعظم نیتن یاہو، فائل فوٹو
یورپی رہنماؤں کا جنگ بندی کے مطالبے کی حمایت
اسی دوران میں فرانس کے صدر میکراں اور یورپی یونین کی سربراہ ارسلا وان ڈیر لیین سمیت یورپ بھر کے رہنماؤں نے غز ہ میں جنگ بندی کے مطالبے کے لیے حمایت کا اظہار کیا۔ یورپی یونین کی سربراہ ارسلا وان ڈیر لیین نے جنگ بندی کے لیے بین الاقوامی دباؤ میں اضافہ کرتے ہوئے جمعے کے روز سوشل میڈیا پلیٹ فارم ایکس پر لکھا "ہمیں اب غزہ میں جنگ بندی کی ضرورت ہے۔ یہ ہی جان بچانے، امن کی امید بحال کرنےاور یرغمالوں کی واپسی کے حصول کا واحد راستہ ہے۔"
انہوں نے مزید لکھا" اس لئے خطے کو درکار امن اور استحکام میں مدد کے لیے میں امریکہ، مصر اور قطر کی قیادت میں ہونے والی کوششوں کی بھرپور حمایت کرتی ہوں۔"
We need a ceasefire in Gaza now. That’s the only way to save lives, restore hope for peace, and secure the return of hostages.Thus I strongly support the efforts led by the U.S., Egypt, and Qatar to help achieve the peace and stability the region needs.
— Ursula von der Leyen (@vonderleyen) August 9, 2024
ایک اور پیش رفت میں نئی امریکی کمک مشرق وسطیٰ پہنچ گئی ہے، جو ایران اور ایرانی حمایت یافتہ پراکسیوں کے ممکنہ حملے کے خلاف اسرائیل کے دفاع میں مدد کرے گی۔
U.S. Air Force F-22 Raptors arrived in the U.S. Central Command area of responsibility Aug. 8 as part of U.S. force posture changes in the region to mitigate the possibility of regional escalation by Iran or its proxies. pic.twitter.com/BuuzbUHu9s
— U.S. Central Command (@CENTCOM) August 8, 2024
امریکی سینٹرل کمانڈ نے جو خطے میں امریکی فورسز کی نگرانی کرتی ہے، کہا کہ F-22 Raptors کا ایک دستہ جمعرات کو پہنچا۔ اس نے لڑاکاجیٹ طیاروں کی تصاویر سوشل میڈیا پر پوسٹ کیں۔
اس رپورٹ کا مواد اے ایف پی اور رائٹرز سے لیا گیا ہے۔