امریکی فورسز کی شام میں کارروائی، داعش کا اہلکار دو ساتھیوں سمیت گرفتار

ویب ڈیسک — 

امریکہ نے مشرقی شام میں چھاپہ مار کے داعش گروپ کے ایک کارکن اور اس کے دو ساتھیوں کو گرفتار کر لیا ہے۔

امریکی سینٹرل کمانڈ نے ہفتے کے روز ہونے والی کارروائی کے حوالے سے ایک بیان میں پکڑے گئے کارندے کی شناخت حدیفہ ال یمنی کے طور پر کی ہے۔ اسے داعش کے حملوں کا سہولت کار" بتایا جاتا ہے۔

بیان میں کہا گیا ہے کہ ''حذیفہ ال یمنی اور اس کے ساتھیوں کی گرفتاری تنظیم کی سازش اور کارروائیاں کرنے کی صلاحیت کو متاثر کرے گی۔''

شام میں داعش کے جنگجوؤں کے خلاف نئی فوجی مہم کا آغاز

امریکی چھاپہ شام میں داعش گروپ کی شخصیات کو نشانہ بنانے کی کارروائیوں کے سلسلے کا تازہ ترین آپریشن ہے۔

گزشتہ ہفتے امریکی فوج نے کہا تھا کہ اس کے ایک فضائی حملےمیں داعش کا سینیئر رہنما خالد 'عید احمد الجبوری ہلاک ہوگیا تھا۔

بتایا جاتا ہے کہ الجبوری یورپ میں حملوں کی منصوبہ بندی کا ذمہ دار تھا اور وہ داعش کے لیے قیادت کا ڈھانچہ تیار کرتا تھا۔

( اس خبر میں شامل کچھ معلومات رائڑز سے لی گئی ہیں)