کسی کو ڈکٹیشن دینے کی ضرورت نہیں، الیکشن کب ہوں گے یہ فیصلہ پارلیمنٹ کو کرنا ہے: شہباز شریف

نئے انتخابات 90 روز میں ہوں گے: وزیرِ مملکت برائے اطلاعات

وزیرِ مملکت برائے اطلاعات فرخ حبیب نے ایک ٹوئٹ میں دعویٰ کیا ہے کہ نئے انتخابات 90 روز میں ہوں گے۔

اعلیٰ عدالت تاخیر کے بغیر مداخلت کرے: صدر سپریم کورٹ بار کی اپیل

سپریم کورٹ بار کے صدر احسن بھون نے کہا ہے کہ وزیرِ اعظم عمران خان آئین شکنی کے مرتکب ہوئے ہیں اور وہ ملک میں انارکی پیدا کرنے کی کوشش کر رہے ہیں۔

احسن بھون نے جیو نیوز سے بات کرتے ہوئے کہا کہ وہ چیف جسٹس آف پاکستان سے اپیل کرتے ہیں کہ وہ کسی بھی تاخیر کے بغیر موجودہ حالات میں مداخلت کریں، ورنہ بہت دیر ہو جائے گی۔ اگر آئین کے کسٹوڈین سامنے نہیں آئیں گے تو فوج کو موقع ملے گا۔

وزیرِ اعظم اپنے عہدے پر رہنے کا جواز کھو بیٹھے، اسمبلیاں تحلیل کرنے کی تجویز آرٹیکل چھ کے زمرے میں آتی ہے۔

باس رائٹ ناؤ: شہباز گل

پنجاب اسمبلی کا اجلاس تین دن کے لیے ملتوی

پنجاب اسمبلی میں نئے قائد ایوان کے لیے ووٹنگ نہیں ہو سکی اور اسمبلی کا اجلاس چھ اپریل تک ملتوی کر دیا گیا ہے۔

مقامی میڈیا کے مطابق صوبائی اسمبلی کا اجلاس ڈپٹی اسپیکر نے ہنگامہ آرائی کے سبب ملتوی کیا ۔

رپورٹس کے مطابق پنجاب اسمبلی کا اجلاس پانچ سے چھ منٹ ہی چل سکی۔

ایوان کا اجلاس ڈپٹی اسپیکر کی صدارت میں اس لیے ہوا کیوں کہ اسپیکر پرویز الہی خود وزارتِ اعلیٰ کے امیدوار ہیں۔