23:35
9.4.2022
دھمکی آمیز مراسلہ چیف جسٹس، چیئرمین سینیٹ اور اسپیکر قومی اسمبلی کو بھیجا جائے گا: ڈاکٹر شہباز گل
23:11
9.4.2022
سیاسی بے یقینی کی فضا میں پاکستانی کیا سوچ رہے ہیں؟
پاکستان کے سیاسی میدان میں گزشتہ کئی روز سے جاری ہلچل اور بے یقینی کی کیفیت تھمنے کا نام نہیں لے رہی۔ آج صبح تحریکِ عدم اعتماد پر ووٹنگ کے لیے بلایا گیا اجلاس کئی تقاریر کے بعد اب تک جاری ہے لیکن ووٹنگ نہیں ہو سکی ہے۔ ایسی صورتِ حال میں عوام کیا سوچ رہے ہیں؟ دیکھیے اسلام آباد سے گیتی آرا انیس کی رپورٹ۔
23:07
9.4.2022
فوجی قیادت کی تبدیلی کی افواہیں بے بنیاد ہیں: فواد چوہدری
23:06
9.4.2022
پی ٹی آئی رہنما کا رات بارہ بجے سب کچھ منظرِ عام پر آنے کا دعویٰ
پاکستان تحریکِ انصاف کے رہنما فیصل واوڈا نے رات بارہ بجے کے بعد بہت کچھ منظر عام پر آنے کا دعویٰ کیا ہے۔
فیصل واوڈا نے سوشل میڈیا پر ایک پیغام میں کہا ہے کہ آج رات 12 بجے، جیسے ہی گھڑی کی سوئی 12 بجائے گی، بہت کچھ منظر عام پر آ جائے گا۔
انہوں نے یہ وضاحت نہیں کی کہ کیا منظر عام پر آ جائے گا۔
واضح رہے کہ ملک میں کشیدہ سیاسی صورتِ حال کے سبب کئی افواہیں گردش کر رہی ہیں۔