حکومت جانے کی پرواہ نہیں: عمران خان
وزیرِ اعظم عمران خان نے پریڈ گراؤنڈ جلسے سے خطاب میں کہا کہ انہیں حکومت جانے کی پرواہ نہیں لیکن وہ ملک کو لوٹنے والوں کو معاف نہیں کریں گے۔
عمران خان نے کہا کہ اپوزیشن نے ان کی حکومت گرانے کا فیصلہ کیا ہے جس کے لیے لوگوں کے ضمیروں کا سودا ہو رہا ہے۔
انہوں نے دعویٰ کیا کہ پاکستان کی تاریخ میں کسی حکومت نے اس طرح کی کارکردگی نہیں دکھائی جس طرح ان کی حکومت کی کارکردگی رہی ہے۔
اسکردو کو پاکستان کا اسکئینگ کیپٹل بنائیں گے: عمران خان
وزیرِ اعظم عمران خان نے کہا ہے کہ ہم نے پاکستان کو دنیا کا سیاحتی مرکز بنانا ہے۔ اسکردو کو پاکستان کا اسکئینگ کیپیٹل بنائیں گے اور آپ دیکھیں گے باہر سے کس طرح پیسہ آتا ہے۔
عمران خان نے کہا کہ اسکردو کو انٹرنیشنل ایئرپورٹ بنایا جہاں دنیا سے براہِ راست سیاح آیا کریں گے۔
عمران خان نے دعویٰ کیا کہ وہ پاکستان میں سیاحت کے شعبے کو اٹھا کر دکھائیں گے اور نوجوانوں کے لیے روزگار پیدا کریں گے۔
مسلم لیگ (ن) کے وفد کی چوہدری شجاعت کی رہائش گاہ آمد
مسلم لیگ (ن) کے مرکزی رہنماؤں کا وفد چوہدری شجاعت حسین کی رہائش گاہ پہنچ گیا ہے۔ وفد میں خواجہ آصف، چوہدری تنویر، رانا ثنااللہ، خواجہ سعد رفیق اور دیگر شامل ہیں۔
مسلم لیگ (ن) کے مقابلے میں ہمارے دور میں سستی سڑکیں بنیں: عمران خان کا دعویٰ