دنیا بھر کے ملک آج دس دسمبر کو انسانی حقوق کا بین ا لاقوامی دن منا رہے ہیں ۔اب جب کہ دنیا کے بہت سے حصوں میں بنیادی انسانی حقوق کی خلاف ورزیاں بڑے پیمانے پر جاری ہیں، اقوام متحدہ نے ہر ایک عالمگیر حقوق کے لیے کھڑے ہوجانے کی اپیل کی ہے۔
عالمی ادارے نے ایک بیان میں کہا کہ ہم ، عام لوگ حقوق کے لیے کھڑے ہو سکتے ہیں اور ہم سب مل کر مزید انسانیت کے لیے کھڑے ہو سکتے ہیں ۔
اقوام متحدہ کے سیکرٹری جنرل بان کی مون نے کہا کہ انسانی حقوق کو بر قرار رکھنا سب کے مفاد میں ہے۔ انسانی حقوق کے لیے احترام ہر فرد کی بھلائی کو ، ہر معاشرے کے استحکام کو اور ایک دوسرے سے مربوط دنیا کےلیے ہم آہنگی کو فروغ دیتا ہے ۔
اقوام متحدہ کے انسانی حقوق سے متعلق ہائی کمشنر زید رعد الحسین نے کہا کہ اب وقت آگیا ہے کہ ہر ایک انسانی حقوق کےلیے اٹھ کھڑا ہو ۔ کوئی بھی اقدام چھوٹا نہیں ہوتا ۔ آپ جہاں کہیں ہیں آپ کوئی تبدیلی لا سکتے ہیں ۔ آئے ہم سب اکٹھے ہو کرمزید انسانیت کےلیے ڈٹ جائیں ۔
