پاکستان سپر لیگ کے آٹھویں ایڈیشن میں سنسنی خیز مقابلے جاری ہیں جہاں بلے باز رنز کے انبار لگارہے ہیں اور وہیں بالرز بھی اپنا جادو جگانے میں مصروف ہیں۔
منگل کو کھیلے گئے میچ میں لاہور قلندرز کے کپتان اور فاسٹ بالر شاہین شاہ آفریدی کی کوئٹہ گلیڈی ایٹرز کے خلاف تباہ کن بالنگ کے سوشل میڈیا پر خوب چرچے ہو رہے ہیں۔
میچ کے آغاز میں شاہین نے نہ صرف حریف بلے بازوں کو پریشان کیا بلکہ اپنے دوسرے اوور کی تیسری گیند پر جیسن روئے کو ایسی یارکر پھینکی کہ وہ توازن کھو بیٹھے اور جہاں کھڑے تھے وہیں گر گئے۔
لاہور کے کپتان نے اس گیند کے بعد ڈی آر ایس سے بھی رجوع کیا لیکن اس میں ناکامی ہوئی۔ تاہم میچ میں اپنی تباہ کن بالنگ کی وجہ سے ان کی ٹیم نہ صرف 199 رنز کے ہدف کا دفاع کرنے میں کامیاب ہوئی بلکہ تین کھلاڑیوں کو آؤٹ کرنے کی وجہ سے انہیں پلیئر آف دی میچ قرار دیا گیا۔
شاہین کی یہ کارکردگی اس لیے بھی خوش آئند ہے کیوں کہ وہ پی ایس ایل کے اس ایڈیشن سے قبل انجری کا شکار تھے۔
Shaheen Afridi had Jason Roy dancing out there 🔥🔥 #HBLPSL8 pic.twitter.com/AQFFJaQFP4
— Farid Khan (@_FaridKhan) February 22, 2023
شاہین نے اپنے مستند یارکرز سے نہ صرف حریف بلے بازوں کے لیے خطرے کی گھنٹی بجا دی ہے بلکہ یہ ثابت کرنے میں کامیاب رہے ہیں کہ وہ اپنی پرانی فارم میں واپس آگئے ہیں۔
ایک وقت تھا جب وسیم اکرم اور وقار یونس کے ’’ٹو کرشر‘‘ یارکرز سے بلے باز خوفزدہ ہوتے تھے۔ ان دونوں کھلاڑیوں کی ریٹائرمنٹ کے بعد پاکستان ٹیم میں کئی فاسٹ بالرز آئے لیکن ٹو کرشنگ یارکرز پھینکے والے بہت کم بالرز نظر آئے۔ ایسے میں شاہین کی جیسن روئے کویارکر کے بعد سوشل میڈیا پر کئی صارفین نے ان کا موازنہ وقار یونس سے کرنے لگے ہیں۔
ایک ٹوئٹر صارف نے تو سوشل میڈیا پر اعلان کردیا کہ انہوں نے وقار یونس کو بھی بالنگ کرتے دیکھا اور شاہین شاہ آفریدی کو بھی ، ان کے خیال میں وقار یونس بھی اتنی اچھی یارکر نہیں پھینکا کرتے تھے۔
I%27ve seen Waqar Younis bowl and even he wasn%27t this good w his yorkers pic.twitter.com/fwP2ZdRurp
— F (@falahtah) February 21, 2023
جس پر ابو بکر تارڑ نامی صارف نے وقار یونس کی ایک یارکر کی ویڈیو شیئر کرتے ہوئے کہا کہ آپ نے غلط وقار یونس ڈاؤن لوڈ کرلیا تھا۔
You probably downloaded the wrong Waqar Younis Here is the real one pic.twitter.com/ZmEhDAMf36
— Abu Bakar Tarar (@abubakarSays_) February 21, 2023
صارف باسط سبحانی کے خیال میں انجری کے بعد شاہین آفریدی کی یہ سب سے بہترین گیند تھی۔
بعض صارفین نے تو شاہین آفریدی کی شاندار کارکردگی کو اپنے اوپر ہونے والی تنقید کا بھرپور جواب قرار دیا۔
چند روز قبل ہی سابق فاسٹ بالر شعیب اختر نے شاہین آفریدی پر تنقید کرتے ہوئے کہا تھا کہ ورلڈ کپ کے فائنل میں انجری کے باوجود انہیں بالنگ کرنی چاہیے تھی۔
جس کے جواب میں تجزیہ کار ایلن ولکنز نے کہا تھا کہ سب جانتے ہیں کہ ٹیم میں شاہین آفریدی سے بڑا دل کسی کا نہیں، لیکن وہ ایک ٹانگ پر بالنگ نہیں کرسکتے تھے۔
It’s an admirable thought but it is also a long time after the event. @iShaheenAfridi couldn’t have bowled on one leg even though he’s got the biggest heart in the team! https://t.co/aTJRmam48q
— Alan Wilkins (@alanwilkins22) February 21, 2023
بعض صارفین نے شاہین شاہ آفریدی اور محمد عامر کی ایک تصویر شیئر کرتے ہوئے کہا کہ اگر یہ دونوں کھلاڑی ایک ہی وقت میں پاکستان ٹیم کا حصہ ہوں تو کیسا ہوگا؟
بعض نے دونوں فاسٹ بالرز کی حالیہ پی ایس ایل میں کارکردگی کا موازنہ کرتے ہوئے تصویر شیئر کی جس میں دونوں بالرز کے آؤٹ کرنے کے بعد کے مختلف انداز دکھائے گئے ہیں۔
اس پوسٹ میں صارف نے دونوں کی کارکردگی اور میں آف دی میچ کارکردگی کا بھی ذکر کیا جس کے مطابق شاہین شاہ آفریدی اور محمدعامر کے درمیان کوئی مقابلہ ہی نہیں۔
Amir was really skillfull bowler before fixing but After thats he%27s more over hyped overrated bowler in the country as per stats*-Motm in PSLShaheen=5Amir=1*-Motm vs india Shaheen=1Amir=0*-Motm in icc eventsShaheen=3Amir = 0 pic.twitter.com/aRPORWmp4B
— 𝐋𝐀𝐈𝐁𝐀 | ℤ𝕒𝕚𝕟𝕚 𝕊𝕥𝕒𝕟 🥀❤️ (@laibakhan16_) February 22, 2023
پی ایس ایل کے آٹھویں ایڈیشن میں دفاعی چیمپئن لاہور قلندرز کی ٹیم اپنے تین میچز کھیل چکی ہے اور اس کے چار پوائنٹس ہیں۔
ایونٹ میں آج ملتان سلطانز اور کراچی کنگز کے درمیان گیارہواں میچ کھیلا جائے گا، اس وقت پوائنٹس ٹیبل پر سب سے ٹاپ پر ملتان سلطانز کی ٹیم ہے جس کے چار میچوں کے بعد چھ پوائنٹس ہیں۔
سابق چیمپئن کراچی کنگز، اسلام آباد یونائیٹڈ اور کوئٹہ گلیڈی ایٹرز کے ویسے تو دو دو پوائنٹس ہیں لیکن ان دو پوائنٹس کو حاصل کرنے کے لئے اسلام آباد نے صرف دو جبکہ کراچی اور کوئٹہ نے چار چار میچ کھیلے ہیں۔
اگر کراچی کنگز کی ٹیم آج کا میچ جیتنے میں کامیاب ہوجاتی ہے تو پوائنٹس ٹیبل پر اس کی پوزیشن مستحکم ہوجائے گی، دوسری جانب ملتان کی ٹیم کو کامیابی دوسرے راؤنڈ کے قریب لے جائے گی۔