افغان تاجر رہنما نقیب اللہ سیفی کہتے ہیں افغانستان کی وزارت تجارت اور ٹرانسپورٹ بھی ٹرک ڈرائیوروں کی سہولت کے لیےکام کررہی ہے اور پاکستانی ٹرک ڈرائیوروں کے لیے بھی آسان ویزہ کے حصول کی پالیسی کا جلد اعلان متوقع ہے۔
اجلاس کے جاری بیان کے مطابق وزیر اعظم کو بتایا گیا کہ ابتدائی طور پر صرف ساہیوال اور حب پاور پلانٹس کے لیے درکار کوئلے کی افغانستان سے درآمد پر امپورٹ بل میں سالانہ 2.2 ارب ڈالر سے زیادہ کی بچت ہوگی۔
قومی سلامتی کمیٹی کے اجلاس میں تینوں مسلح افواج کے سربراہان، ڈی جی آئی ایس آئی اور دیگر حکام شریک ہوں گے۔ اجلاس میں ملکی داخلہ و خارجہ سلامتی کے امور پر غور کیا جائے گا۔
برلن میں چار روز تک جاری رہنے والے اجلاس کے احتتام پر جاری بیان میں کہا گیا ہے کہ ایف اے ٹی ایف کے ابتدائی تعین کے مطابق پاکستان کے خاصی حد تک دونوں ایکشن پلان کے 34 نقاط پر عملدرآمد کیا ہے۔ عالمی تنظیم نے اس سلسلے میں جائزہ لینے کے لیے اپنا مشن اسلام آباد بجھوانے کا فیصلہ کیا ہے۔
انٹربینک ہو یا اوپن مارکیٹ ڈالر روز تاریخ کی نئی بلند ترین سطح کو چھو رہا ہے اور بدھ کو بھی مارکیٹ کے اختتام پر انٹربینک میں ایک امریکی ڈالر 206 روپے 46 پیسے پر بند ہوا۔ رواں ہفتے کے آغاز سے صرف تین دن میں ڈالر کی قیمت میں تقریباً تین روپے کا اضافہ ہوا ہے۔
پاکستان کی وزیرِ مملکت برائے خارجہ حنا ربانی کھر کی سربراہی میں مالیاتی اور قانون نافذ کرنے والے اداروں کے ماہرین پر مشتمل وفدایف اے ٹی ایف اجلاس میں شرکت کے لیے برلن پہنچ گیا ہے جہاں وہ تنظیم کو اٹھائے گئے اقدامات سے آگاہ کریں گے۔
آئین کے آرٹیکل 75(2) کے مطابق ’’جب صدر مجلس شوریٰ کوئی بل واپس کر دے گا، تو پارلیمنٹ اس پر مشترکہ اجلاس میں دوبارہ غور کرے گی۔ مشترکہ اجلاس سے دوبارہ منظوری کی صورت میں اسے صدر کے سامنے پیش کیا جائے گا اور صدر 10 دنوں کے اندر اپنی منظوری دے گا۔ ایسا نہ کرنے کی صورت میں اسے منظو سمجھا جائے گا۔
اقتصادی سروے 22-2021 کے سامنے آنے والے نکات کے مطابق پاکستان میں فی کس آمدن ہدف کے مقابلے میں زیادہ رہی جب کہ اوسط مہنگائی کی شرح میں بھی اضافہ ہوا۔اقتصادی سروے کی دستاویز کے مطابق ملک میں معاشی شرح نمو کا ہدف 4.8 فی صد رکھا گیا تھا جس کے مقابلے یہ شرح چھ فی صد رہی۔
پاکستان کو ان دنوں پانی کی شدید قلت کا سامنا ہے۔ سرکاری اعداد و شمار کے مطابق ملک کے آبی ذخائر میں 40 فی صد تک کمی واقع ہوئی ہے۔ پاکستان کے سب سے بڑے ڈیم 'تربیلا میں پانی کم ترین سطح پر پہنچ گیا ہے۔ اس کی وجہ کیا ہے؟ جانیے علی فرقان کی اس رپورٹ میں۔
سینئر قانون دان حامد خان کہتے ہیں کہ قواعد کے مطابق سپیکر کو استعفیٰ دینے والے اراکین کو بلا کر تصدیق کرنا ہو گی اور قومی اسمبلی سیکرٹریٹ اسی طریقہ کار پر عمل کر رہا ہے کیونکہ یہ سپریم کورٹ کا فیصلہ بھی ہے کہ تحریری استعفے کی تصدیق کیے بغیر استعفیٰ منظور نہ کیا جائے۔
سعودی عرب کی جانب سے حجاج کرام کو خدمات کے عوض ادائیگیوں میں نمایاں اضافہ کرتے ہوئے لازمی حج اخراجات تین لاکھ کے قریب کردیے گئے ہیں جو حج 2020 میں 80 ہزار روپے تھے۔ اسی طرح حجاج کے لیے بلا معاوضہ ویزہ فراہمی کو ختم کرتے ہوئے سعودی عرب نے 16 ہزار روپے لازمی ویزہ فیس بھی متعارف کروا دی ہے۔
ماہرین کا کہنا ہے کہ ای وی ایم اور سمندر پار پاکستانیوں کے حوالے سے گزشتہ حکومت کی گئی قانون سازی قابل عمل نہیں تھی لہذا آئندہ انتخابات پر کوئی خاص اثر نہیں پڑے گا۔
وفاقی وزیر خورشید شاہ نے وائس آف امریکہ کو بتایا کہ حکومت میں شامل جماعتیں چاہتی تھیں کہ انتخابی اصلاحات کے بعد رواں سال اکتوبر یا نومبر میں نئے انتخابات کرائے جائیں لیکن عمران خان کی قبل از وقت انتخابات کی دھمکی کے بعد اس فیصلے کو ترک کیا گیا۔
پاکستان پیپلز پارٹی کے رہنما اور وفاقی وزیر سید خورشید احمد شاہ کا کہنا ہے کہ عمران خان کے مطالبے پر انتخابات قبل از وقت نہیں کرائیں گے لیکن اگر فوج اقتدار میں آنا چاہتی ہے تو ہم بلا رکاوٹ حکومت چھوڑنے کو تیار ہیں۔ خورشید شاہ کا انٹرویو دیکھیے وائس آف امریکہ کے علی فرقان کے ساتھ۔
پی ایف یو جے کا کہنا ہے کہ سابق حکومت کے دور میں صحافیوں کے خلاف کارروائیوں کی وجہ سے آزادیٔ صحافت کی عالمی درجہ بندی میں پاکستان کی تنزلی ہوئی اور حالیہ واقعات آزادی اظہار سے متعلق ملک کے تاثر کو مزید خراب کرنے کا باعث بنیں گے۔
تجزیہ کار سلیم بخاری کہتے ہیں کہ اگر حکومت کو آئی ایم ایف سے مالی مدد مل جاتی ہے اور وہ انتظامی صورت حال میں بہتری اور مہنگائی پر کسی حد تک قابو پالیتی ہے تو پھر اسے اپنی مدت مکمل کرنے سے روکا نہیں جاسکتا۔
پاکستان کی حکومت پیٹرول کی قیمت کم رکھنے کے لیے ہر ماہ سو ارب روپے کی سبسڈی دے رہی ہے تاہم عالمی مارکیٹ میں بڑھتی ہوئی قیمتوں کے سبب اسے برقرار رکھنا حکومت کی معاشی مشکلات میں اضافہ کا باعث بن رہا ہے۔
تجزیہ کاروں کا کہنا ہے کہ امریکی قیادت کی دعوت پر پاکستان کے سیاسی و عسکری قائدین کے دورے دونوں ملکوں کے تعلقات میں بہتری کی جانب اشارہ کرتے ہیں۔
انسانی حقوق کمیشن آف پاکستان (ایچ آر سی پی) اور پاکستان فیڈرل یونین آف جرنلسٹس (پی ایف یو جے) نے الگ الگ بیانات میں حکومت سے مطالبہ کیا ہے کہ حزبِ اختلاف کے رہنماؤں کے خلاف توہین مذہب کی شقوں کے تحت درج مقدمات واپس لیے جائیں۔
شیخ رشید کے مطابق تحریکِ انصاف کے لانگ مارچ کا مقصد ملک میں مارشل لاء کا نفاذ نہیں بلکہ اس کا مقصد جلد انتخابات کا اعلان ہے جب کہ فوج ملک میں جمہوریت کا تسلسل برقرار رکھنا چاہتی ہے اور اسے قائم رکھنے کا ایک ہی راستہ ہے کہ قبل از وقت انتخابات کرائے جائے بصورتِ دیگر نہ ہم رہیں گے اور نہ حکومت۔
مزید لوڈ کریں
