جنوبی افریقہ نے سابق صدر نیلسن منڈیلا کی شبیہ والے کرنسی نوٹوں کا اجراء کا اعلان کیا ہے۔
موجودہ صدر جیکب زوما نے یہ اعلان ہفتہ کو مسٹر منڈیلا کی تقریباً تین دہائیوں پر محیط قید کے بعد رہائی کی 22 ویں سالگرہ کے موقع پر کیا۔
ترانوے سالہ نوبیل پرائز یافتہ نیلسن منڈیلا اس سلسلے میں منعقد کی گئی تقریب میں مجود نہیں تھے۔ حالیہ عوامی تقریبات میں اُن کی شرکت انتہائی محدود رہی ہے۔
توقع ہے کہ نئے کرنسی رواں سال کے اواخر تک استعمال کے لیے دستیاب ہوں گے۔
